Məmmədşərif Həmidov

Məmmədşərif Həmidov
Həmidov Məmmədşərif Həbibulla oğlu
Məmmədşərif Həmidov.
Doğum tarixi	23 fevral 1917(1917-02-23)
Doğum yeri	Nuxa, Yelizavetpol quberniyası, Rusiya İmperiyası
Vəfat tarixi	14 fevral 1969 (51 yaşında)
Vəfat yeri	Bakı, Azərbaycan SSR, SSRİ
Təhsili	Ali zabitlər məktəbi (– 1945) S.M.Kirov adına Azərbaycan Dövlət Universiteti, tarix fakültəsi (– 1960)
Hərbi fəaliyyəti
Rütbə	general-mayor
Təltifləri

Məmmədşərif Həmidov (1917 – 1969) — general-mayor, Azərbaycan KP MK üzvlüyünə namizəd, Azərbaycan SSR Ali Sovetinin deputatı, Azərbaycan SSR-in hərbi komissarı.

Haqqında məlumatlar

23 fevral 1917-ci il tarixdə Nuxada anadan olub.

Təhsili

1932-ci ildə Nuxada texniki-peşə məktəbini,

1945-ci ildə Ali zabitlər məktəbini,

1960-cı ildə S.M.Kirov adına Azərbaycan Dövlət Universitetinin tarix fakültəsini bitirib.

Əmək fəaliyyəti

1929-cu ildən – 12 yaşından, Nuxadakı ipəksarıma fabrikində şagird peşəsində əmək fəaliyyətinə başlayıb.

1932-ci ildən V.İ.Lenin adına Nuxa İpək Kombinatında usta peşəsində,

1937 – 1940-cı illərdə isə Nuxa komsomol və partiya komitələrində müxtəlif vəzifələrdə çalışıb.

Hərbi xidmətdə

1940-cı ildən Sovet Ordusuna xidmətə çağırılıb. Böyük Vətən müharibəsində vzvod komandirinin köməkçisi, batalyon qərargahının rəisi, diviziya qərargah əməliyyatının bölmə rəisinin köməkçisi olub.

1946 – 1949-cu illərdə Xaçmaz rayon hərbi komissarı,

1949 – 1956-cı illərdə Azərbaycan SSR hərbi komissarlığında şöbə rəisi,

1956 – 1960-cı illərdə Bakı şəhəri hərbi komissarı,

1960 – 1969-cu illərdə Azərbaycan SSR-in hərbi komissarı vəzifəsində çalışıb.

İctimai-siyasi fəaliyyəti

1939-cu ildən Sov.İKP üzvü olub.

1966-cı ildə – Azərbaycan KP-nin 27-ci qurultayında Azərbaycan KP MK üzvlüyünə namizəd,

1967-ci ildə isə 7-ci çağırış Azərbaycan SSR Ali Sovetinin deputatı seçilib.

Təltif və mükafatları

• 2-ci dərəcəli “Vətən müharibəsi” ordeni,
• “Qırmızı Ulduz” ordeni, 2 dəfə.
• medallar.

Vəfatı

14 fevral 1969-cu il tarixdə – 51 yaşında, Göygöl – Gəncə avtomobil yolunda xidməti avtomobilinin qəzaya düşməsi nəticəsində həlak olub. Birinci Fəxri xiyabanda dəfn edilib.

Xatirəsi

Həlak olduğu yerdə (Göygöl – Gəncə avtomobil yolu kənarında) xatirə abidəsi qoyulub.

Adına küçə (Bakı), gəmi və məktəb (Şəki) var.

Ədəbiyyat

• Məmmədşərif Həmidov // Azərbaycan Sovet Ensiklopediyası  : [10 cilddə] = Азәрбајҹан Совет Енсиклопедијасы / baş red. C.B.Quliyev. — Bakı: Qızıl Şərq, 1987. — X  cild. — Səhifələrin sayı:  610. — Səh.: 196-197. — 80.000 nüsx.
• Məmmədov Ə., Xalıqov F. Həmidov Məmmədşərif // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 230 – 231. — 1.000 nüsx.
• Mete Ə. General Həmidov // O torpağın övladları. — Bakı: Nurlan, 2006. — Səhifələrin sayı:  608. — Səh.: 432 – 434. — 500 nüsx.