Məmməd Çələbiyev

Məmməd Çələbiyev
Çələbiyev Məmməd Musa oğlu
Məmməd Çələbiyev, 1970
Təxəllüsü	Şəkili
Doğum tarixi	1 aprel 1923(1923-04-01)
Doğum yeri	İnçə, Nuxa qəzası, Azərbaycan SSR, ZSFSR
Vəfatı	3 avqust 1987 (64 yaşında)
Vəfat yeri	Şəki, Azərbaycan SSR, SSRİ

Məmməd Çələbiyev (Çələbiyev Məmməd Musa oğlu; d.  1 aprel 1923-cü il, Nuxa, Nuxa qəzası, Azərbaycan SSR, ZSFSR – ö.  3 avqust 1987-ci il, Şəki, Azərbaycan SSR, SSRİ) - azərbaycanlı yazıçı, 4 bədii kitabın müəllifidir, qələmə aldığı dram əsərləri Şəki Dövlət Dram Teatrının səhnəsində tamaşaya qoyulmuşdur.

Haqqında məlumatlar

1923-cü ildə nuxa qəzasının inçə kəndində anadan olub.

1930 – 1937-ci illərdə İnçə kənd məktəbində,

1937 – 1940-cı illərdə Nuxa Pedaqoji texnikumunda təhsil alıb.

1940-cı ilin 8 martından Nuxa rayonunun Aşağı Şabalıd,

1940-cı ilin sentyabrından 1941-ci ilin 22 dekabrına qədər isə İnçə-Zunut kənd 7 illik məktəbində müdir və müəllim işləyib.

1941-ci ilin 22 dekabrında cəbhəyə cedib.

Stalino, Makivka, Cənubi Ukrayna cəbhələrində vuruşmuş, ağır yaralanaraq 1942-ildə ordudan təxris olunmuşdur.

1943-cü ilin yanvar ayından 1961-ci ilin oktyabr ayına qədər Nuxa rayonunun bir sıra məktəblərində müəllim, müdir müavini və director vəzifəsində işləyib.

1952 – 1956-cı illərdə Azərbaycan Dövlət Pedaqoji İnstitutunda, azərbaycan dili və ədəbiyyatı ixtisası üzrə qiyabi təhsil alıb.

1961 – 1972-ci illərdə “Şəki fəhləsi” qəzetinin redaksiyasında,

1972 – 1974 -ci illərdə Şəki Pedaqoji Texnikumunda işləyib.

1971-ci ilin noyabrından ömrünün sonuna – 1987 ci ilin avqust ayının 3-ə qədər Şəki Musiqi Texnikumunda müəllim işləyib.

Yaradıcılığı

1956-ci ildən ədəbi yaradıcılıqla məşğul olub. Əsərləri “Azərbaycan” jurnalında və digər respublika və rayon qəzetlərində çap edilib. Qələmə aldığı dram əsərləri Şəki Dövlət Dram Teatrının səhnəsində tamaşaya qoyulub.

Kitabları

• Bir yay günü;
• Zoğal ağacları;
• Haronnaya gəlin gəlir;
• Təmkin.

İstifadə edilmiş mənbə

Məmmədov Ə., Xalıqov F. Çələbiyev Məmməd // Şəki: Alim və ziyalılar. — Bakı. — 2 cilddə. — Səh.: 101.