Məmməd Cuvarlinski

Şəki Ensiklopediyası səhifəsi
Vaqif Kərimov (müzakirə | redaktələr) tərəfindən edilmiş 15:11, 15 avqust 2020 tarixli redaktə
Məmməd Cuvarlinski
Məmməd İsmayıl bəy oğlu Cuvarlinski
bayraqNuxa (Şəki) Komitəsinin birinci katibibayraq
1935 — 1937
bayraqAzərbaycan SSR-nin maarif komissarıbayraq
1934 — 1935
Xələfi Müseyib Şahbazov
Şəxsi məlumatlar
Doğum tarixi 1902(1902-Şablondakı doğum və ya ölüm tarixində texniki yanlışlıq var!-00)
Doğum yeri Cuvarlı, Cəbrayıl qəzası, Yelizavetpol quberniyası, Qafqaz canişinliyi
Vəfat tarixi 13 oktyabr 1937(1937-10-13)
Atası İsmayıl bəy
Uşağı Şura xanım

Məmməd bəy İsmayıl bəy oğlu Cuvarlinski – Azərbaycan SSR Maarif komissarı, partiya və dövlət xadimi.

Həyatı

Məmməd bəy İsmayıl bəy oğlu 1902-ci ildə Cəbrayıl qəzasının Cuvarlı kəndində anadan olmuşdu. İbtidai təhsilini Qarğabazar kənd məktəbində almışdı. Bir müddət kəndlərində təsərrüfatla məşğul olmuşdu. Sonra Bakı şəhərinə köçmüş, müxtəlif yerlərdə fəhlə işləmişdi. Azərbaycanda sovetləşmədən sonra qulluqçu olmuş, 14 il partiya işində çalışmışdı. II dərəcəli sovet partiya məktəbini, ÜİK(b)P MK yanında partiya işçiləri üçün kursu, qiyabi olaraq Pedoqoji texnikumunu bitirmişdi.

Məmməd Cuvarlinski Azərbaycan SSR-nin maarif komissarı olmuşdi. AZK(b)P Nuxa (Şəki) Komitəsinin birinci katibi vəzifəsində çalışmışdı. AZK(b)P MK-nin üzvü idi. M. Bağırov 1937-ci ildə Azərbaycan SSR Sovetlər qurultayında partiya qrupundan çıxış edərək Azərbaycan SSR Konstitutisiyasında düzəlişlər edən Cuvarlinskini millətçi adlandırmışdı. Martın 17-də MK-nin bürosu, 19-da isə plenumu Mir Cəfər Bağırovun təklifi ilə Məmməd Cuvarlinskini MK-nın bürosundan, 29-da isə partiya işindən xaric etdilər.[1] M.Cuvarlinski Moskvaya şikayət üçün yollandı. M. Bağırov onu qabaqlayıb həbs etdi. Onu Bakıya, M. Bağırovun kabinetinə gətirdilər. Məmməd Cuvarlinski 13 oktyabr 1937-ci ildə güllələndi.

Hal-hazırda 52 saylı orta məktəbə Məmməd İsmayıl oğlu Cuvarlinskinin adı verilib.Qeyd edək ki,məktəb 1966-cı ildən bəri fəaliyyət göstərir.

Məmməd Cuvarlinskinin Şura xanım adlı qızı vardı.

İstinadlar

  1. Azərbaycanın təhsil nazirləri. "Məmməd İmsayıl oğlu Cuvarlinski" //Azərbaycan müəllimi.- 2011.- 29 iyul.

İstifadə edilmiş mənbələr

  • İradə Əliyeva (2012.- 16 sentyabr). "Uydurulmuş cinayətin amansız cəzası". http://www.anl.az/ (azərb.). Azərbaycan (qəzet). 14 Aug 2020 tarixində arxivləşdirilib.