Məmməd Hacıyev

Məmməd Hacıyev
Hacıyev Məmməd Cəbrayıl oğlu
Məmməd Hacıyev.
Doğum tarixi	8 may 1890(1890-05-08) (26 aprel)
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	17 aprel 1954 (63 yaşında)
Vəfat yeri	Nuxa, Azərbaycan SSR, SSRİ
Vətəndaşlıq	Rusiya İmperiyası→ SSRİ
Təhsili	Novorossiya Universiteti (Odessa), tibb fakültəsi (1911–1916)
Mükafatları	Əmək qəhrəmanı

Məmməd Hacıyev (1890–1954) — tanınmış həkim, Əmək qəhrəmanı, Azərbaycan SSR əməkdar həkimi, Nuxa (indiki Şəki) şəhər xəstəxanasının baş həkimi.

Haqqında məlumatlar

8 may (26 aprel) 1890-cı il tarixdə Nuxada (indiki Şəki) anadan olub.

Təhsili

Məmməd Hacıyev (tələbəlik illərində).

1903 – 1911-ci illərdə Kerç Aleksandr gimnaziyasında,

1911 – 1916-cı illərdə Novorossiya Universitetinin (Odessa) tibb fakültəsində təhsil alıb.

Əmək fəaliyyəti

1916 – 1920-cı illərdə əvvəl Simferopolda dənizçilər arasında, sonra iki ay Odessadakı poliklinikalardan birində həkim, daha sonra Kerç şəhər xəstəxananda baş həkim,

1920 – 1922-ci illərdə Bakıda Lenin adına fabrikdə,

1922 – 1924-cü illərdə Nuxadakı müalicə müəssisələrində həkim,

1924 – 1954-cü illərdə isə Nuxa şəhər xəstəxanasında baş həkim işləyib.

Hərbi rütbəsi

SSRİ Silahlı Qüvvələrinin ehtiyatda olan tibb xidməti mayoru idi.

İctimai-siyasi fəaliyyəti

1940, 1948, 1951 və 1953-cü illərdə – müvafiq olaraq, I – IV çağırış Nuxa şəhər sovetinin deputatı seçilib.

1940-cı ildə ən yaşlı deputat olaraq şəhər sovetinin birinci sesiyasını açıb, giriş nitqi ilə çıxış edib və şəhər sovetinin icraiyyə komitəsinin heyətinə seçilib.

1946-cı ildə Kommunist (b) partiyasına üz olub.

Təltif və mükafatları

• “Əmək qəhrəmanı adı” (1928–1938-ci illər arasında);
• “Azərbaycan SSR əməkdar həkimi” fəxri adı (1942);
• Lenin ordeni və 3 medal.

Vəfatı

17 aprel 1954-cü il tarixdə – 63 yaşında, Nuxada (indiki Şəki) vəfat edib.

Xatirəsi

Məmməd Hacıyevin büstü, Şəki şəhəri, 2021-ci il.

1968-ci ildə Şəki Mərkəzi Rayon Xəstəxanasına onun adı verilib. Daha sonralar Şəki Mərkəzi Rayon Xəstəxanası qarşısında büstü qoyulub və Şəkidəki bir küçəyə də adı verilib.

Ailəsi

Məmməd Hacıyevin doğum şəhadətnaməsi.

• Atası: Cəbrayıl Hacı (Əbdül)cabbar oğlu (1855–?) – 2-ci gildiya tacir (bu rütbəni ona 30 dekabr 1910-cu ildə Kerç Şəhər İdarəsi verib).
• Anası: Tutu usta Lətif qızı.
• Oğlu: Fevzi Hacıyev – tanınmış həkim-endokrinoloq,zob xəstəlikləri üzrə mütəxəssis, N.Nərimanov adına Azərbaycan Dövlət Tibb İnstitutunun ümumi cərrahiyyə kafedrasının dosenti.
• Qızları: Faimə Hacıyeva – göz həkimi (uzun müddət Bakı şəhər 4 №-li klinik xəstəxanasında göz xəstəlikləri şöbəsinin müdiri olub), Rəna – müəllim.

Ədəbiyyat

1. Гаджиев Мамед Джабраилович : [arx. 19.07.2021] : [rus.] // Память народа. — Müraciət tarixi: 19.07.2021.
2. Məmməd Hacıyev (nekroloq) // Abbasov M. (redaktor) Nuxa fəhləsi : qəzet. — Nuxa: Kirov adına Nuxa mətbəəsi, 1954. — В. 21 aprel. — № 47 (5.036). — Səh. 4.
3. Mete Ə. Ənənələr yaşayır // O torpağın övladları. — Bakı: Nurlan, 2006. — Səhifələrin sayı:  608. — Səh.: 331-333. — 500 nüsx.
4. Məmmədov Ə., Xalıqov F. Hacıyev Məmməd // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 152. — 600 nüsx. — ISBN 5-8066-1708-4.
5. Mərdanov M.C., Tahirzadə Ə.Ş. HACIYEV Məhəmməd Cəbrayıl oğlu // 1920-ci ilədək ali məktəblərdə oxumuş azərbaycanlılar (ensiklopedik soraq kitabı). — F – İ hərfləri. — Bakı: Təhsil, 2019. — III  cild. — Səh.: 149 – 152.

Həmçinin, bax:

• Nuxa rayon və şəhər sovetlərinin deputatları (1940)
• Nuxa rayon və şəhər sovetlərinin deputatları (1948)
• Nuxa rayon və şəhər sovetlərinin deputatları (1951)
• Nuxa rayon və şəhər sovetlərinin deputatları (1953)