Məmmədkəbir Hacıoğlu

Məmmədkəbir Hacıoğlu
Kərimov Məmmədkəbir Hacı oğlu
Məmmədkəbir Hacıoğlu.
Ləqəbi	Hacıoğlu
Doğum tarixi	1906(1906-Şablondakı doğum və ya ölüm tarixində texniki yanlışlıq var!-00)
Doğum yeri	Nuxa (indiki Şəki), Yelisavetpol quberniyası, Rusiya İmperiyası
Vəfat tarixi	12 iyun 1977 (71 yaşında)
Vəfat yeri	Şəki, Azərbaycan SSR, SSRİ
Vətəndaşlığı	SSRİ
Fəaliyyət illəri	1920–1977
Mükafatları

Məmmədkəbir Hacıoğlu (1906–1977) — tanınmış teatr xadimi, Azərbaycan SSR əməkdar artisti, Sabit Rəhman adına Şəki Dövlət Dram Teatrının aktyoru. 1940-cı illərdə M.Ə.Sabir adına Nuxa Dövlət Dram Teatrının direktoru olmuşdur.

Haqqında məlumatlar

1906-cı ildə Nuxada (indiki Şəki) anadan olub.

Uşaqlıq illərində heç bir təhsil almayıb, atasının dükanında atasına köməklik edib.

1920-ci illərin əvvəllərində Nuxada fəaliyyət göstərən məhəllə (“Darvaza”) dram dərnəklərinə qoşulub və ilk olaraq, “Hacı Qara” komediyasında “Bədəl” rolunu oynayıb.

1924-cü ildə isə Nuxada Baxşəli Axundovun rəhbərlik etdiyi dram dərnəyinə daxil olub.

Əmək fəaliyyəti

1933 – 1949-cu illərdə M.Ə.Sabir adına Nuxa Dövlət Dram Teatrının aktyoru,

1940-cı illərdə isə həm də bir müddət direktoru olub.

1949 – 1953-cü illərdə Nuxa rayon mədəniyyət evinin dram dərnəyinin bədii rəhbəri,

1953 – 1956-cı illərdə Mirzə Fətəli Axundov adına Nuxa şəhər mədəniyyət və istirahət parkının direktoru,

1956 – 1959-cu illərdə Nuxa rayon mədəniyyət evinin direktoru,

1959 – 1975-ci illərdə Nuxa Şəhər Xalq Teatrının rejissoru vəzifəsində çalışıb.

1975 – 1978-ci illərdə Sabit Rəhman adına Şəki Dövlət Dram Teatrının aktyoru olub.

Təltif və mükafatları

• “Azərbaycan SSR əməkdar artisti” fəxri adı (1940).

Vəfatı

12 iyun 1977-ci il tarixdə – 71 yaşında, Şəkidə vəfat edib.

Ədəbiyyat

1. Mete Ə. Hacıoğlu // O torpağın övladları. — Bakı: Nurlan, 2006. — Səhifələrin sayı:  608. — Səh.: 492-493. — 500 nüsx.
2. Adışirinov K.F. XX əsrin əvvəllərində Şəki Teatrının ədəbi - mədəni mühitin inkişafına təsiri (azərb.) // Sumqayıt Dövlət Universiteti : “Elmi Xəbərlər” jurnalı. — Sumqayıt, 2018. — В. Sosial və humanitar elmlər bölməsi. —14  c. — № 3. — Səh. 21 – 24. — ISSN 1680-1245. Arxivləşdirilib; arxivləşdirmə tarixi: 26 aprel 2021.