Mərdan Feyzullayev

Mərdan Feyzullayev
Feyzullayev Mərdan Əhmədiyyə oğlu rus.: Фейзуллаев Мардан Ахмедия оглы
Mərdan Feyzullayev.
Doğum tarixi	3 fevral 1958(1958-02-03)
Doğum yeri	Kiş, Nuxa (indiki Şəki) rayonu, Azərbaycan SSR, SSRİ
Vəfat tarixi	13 avqust 2017 (59 yaşında)
Vəfat yeri	Moskva, Rusiya
Dəfn yeri	Kiş, Şəki rayonu, Azərbaycan
Mükafatları

Mərdan Feyzullayev (1958–2017) — tanınmış teatr aktyoru və teatr rejissoru, Azərbaycan Respublikasının əməkdar artisti, Moskvada (Rusiya Federasiyası) fəaliyyət göstərən “Jar ptitsa” (rus.: Жар-птица) Kukla Teatrının quruluşçu rejissoru, “Dərviş” teatrının yaradıcısı və baş rejissoru. 1983 – 1994-cü illərdə Sabit Rəhman adına Şəki Dövlət Dram Teatrında əvvəl aktyor, sonra quruluşçu rejissor, daha sonra isə baş rejissor vəzifəsində çalışmışdır.

Haqqında məlumatlar

3 fevral 1959-cu il tarixdə Nuxa (indiki Şəki) rayonunun Kiş kəndində anadan olub.

Təhsili

1979 – 1983-cü illərdə Mirzağa Əliyev adına Azərbaycan Dövlət İncəsənət İnstitutunun dram və kino aktyorluğu fakültəsində,

1984 – 1989-cu illərdə isə B.Şukin adına Moskva Ali Teatr İnstitutunun rejissorluq fakültəsində təhsil alıb.

Əmək və yaradıcı fəaliyyəti

1983 – 1985-ci illərdə Sabit Rəhman adına Şəki Dövlət Dram Teatrında aktyor,

1985 – 1989-cu illərdə quruluşçu rejissor,

1989 – 1994-cü illərdə isə baş rejissor vəzifəsində çalışıb.

1999 – 2017-ci illərdə Moskvada özünün yaratdığı Moskva “Dərviş” teatrının baş rejissoru olub.

O cümlədən, Moskvada həm də “Jar ptitsa” (rus.: Жар-птица) Kukla Teatrının quruluşçu rejissoru idi.

Təltif və mükafatları

• “Vətən qarşısında xidmətlərinə görə” ordeninin medalı (Rusiya federasiyası) (2010);
• Azərbaycan Respublikasının əməkdar artisti (2011);
• “Tərəqqi” medalı (2011).

Vəfatı

13 avqust 2017-ci il tarixdə – 59 yaşında, Moskvada vəfat edib.

Anadan olduğu Kiş kəndində dəfn olunub.

Ədəbiyyat

1. "ФЕЙЗУЛЛАЕВ МАРДАН АХМЕДИЯ ОГЛЫ". kino-teatr.ru (русский). 12 Aug 2020 tarixində arxivləşdirilib.
2. Rəhimli İ. Mərdan Feyzullayev // Şəki teatrı. — Bakı: Qanun, 2016. — Səhifələrin sayı:  383. — Səh.: 363-365. — 500 nüsx. — ISBN 978-9952-36-230-5.