Mahir Əyyubov

Mahir Əyyubov
Əyyubov Mahir Ələkbər oğlu
Mahir Əyyubov.
Doğum tarixi	12 avqust 1951 (1951-08-12)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
Təhsili	S.M.Kirov adına Azərbaycan Dövlət Universitetini, fizika fakültəsi (1968–1973)
Mükafatları
facebook səhifəsi

Mahir Əyyubov — tanınmış pedaqoq, Azərbaycan Respublikasının əməkdar müəllimi, Şəki şəhər 20 saylı tam orta məktəbinin fizika və informatika müəllimi.

Haqqında məlumatlar

12 avqust 1951-ci il tarixdə Nuxada (indiki Şəki) anadan olub.

Təhsili

1957 – 1958-ci illərdə Nuxa şəhər 1 №-li orta məktəbində,

1959 – 1968-ci illərdə Nuxa şəhər 2 №-li orta məktəbində,

1968 – 1973-cü illərdə S.M.Kirov adına Azərbaycan Dövlət Universitetinin fizika fakültəsində təhsil alıb.

Əmək fəaliyyəti

1973-cü ildə təyinatla Şəki şəhər 11 saylı tam orta məktəbində fizika müəllimi işləməyə göndərilib.

1974-cü ildən Şəki şəhər 20 saylı orta məktəbdə fizika və informatika müəllimi vəzifəsində işləyir; o cümlədən, təşkilatçı, dərs hissə müdiri vəzifələrində də çalışıb.

Təltif və mükafatları

• “Metodist müəllim” adı – tədris prosesində yeni təlim-tədris metodlarının tərtib və tətbiq edilməsindəki nailiyyətlərinə görə (1987);

• “Xalq təhsili əlaçısı” döş nişanı (1993);

• “Azərbaycan Respublikasının əməkdar müəllimi” fəxri adı – Azərbaycan təhsilinin inkişafındakı xidmətlərinə görə (2000).

Digər

Tədris ilinin yekunlarına görə dəfələrlə Azərbaycan Respublikası Təhsil Nazirliyinin və Şəki Təhsil Şöbəsinin fəxri fərmanları, diplomları və digər mükafatları ilə təltif edilib, o cümlədən,

1994-cü ildə Azərbaycan Respublikasının Təhsil nazirliyinin keçirdiyi kompüter proqramlarına baxış müsahibəsinin qalibi olub.

Ədəbiyyat

1. Məmmədov Ə., Xalıqov F. Əyyubov Mahir // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 127-128. — 600 nüsx. — ISBN 5-8066-1708-4.