Mahmud Xəlilov

Mahmud Xəlilov
Xəlilov Mahmud Yusif oğlu
Mahmud Xəlilov.

Mahmud Xəlilov — coğrafiya elmləri doktoru, AMEA H.Ə.Əliyev adına Coğrafiya İnstitutunun baş elmi işçisi.

Haqqında məlumatlar

19 aprel 1931-ci il tarixdə Nuxada (indiki Şəki) anadan olub.

Təhsili

1949-cu ildə Qazax şəhərində orta məktəbi bitirib.

1949 – 1954-cü illərdə Azərbaycan Kənd Təsərrüfatı İnstitutunun meşə təsərrüfatı fakültəsində təhsil alıb.

Əmək fəaliyyəti

1954 – 1958-ci illərdə Moskva Aerofoto-Meşəquruluşu Trestinin ikinci ekspedisiyasında taksator kimi Uzaq Şərq, Ural, Sibir və Moskva ətrafı meşələrində meşəquruluşu işləri aparıb.

1959-cu ildə Azərbaycan SSR EA Torpaqşünaslıq və Aqrokimya İnstitutu torpaq eroziyası stansiyasında kiçik elmi işçi vəzifəsinə götürülüb.

1964 – 1969-cü illərdə Azərbaycan Elmi-Tədqiqat Meşə Təsərrüfatı və Aqromeşəmeliorasiya İnstitutunda şöbə müdiri,

1969 – 1975-ci illərdə Azərbaycan SSR EA Coğrafiya institutunda baş elmi işçi,

1976 – 1982-ci illərdə Azərbaycan SSR EA Botanika İnstitutunda baş elmi işçi vəzifəsində çalışıb.

1982-ci ildən isə Azərbaycan SSR EA/AMEA Coğrafiya İnstitutunun baş elmi işçisi olub.

Elmi fəaliyyəti

1964-cü ildə Novoçerkask Mühəndis-Meliorasiya İnstitutunda «Qutqaşen rayonunda torpaq eroziyası və onunla mübarizənin elmi əsasları» mövzusunda namizədlik dissertasiyasını,

1990-cı ildə isə Azərbaycan SSR EA Coğrafiya İnstitutunda «Azərbaycanın meşə ekosistemləri və onların antropogen dinamikası» mövzusunda doktorluq dissertasiyasını müdafiə edib.

185-dən artıq elmi əsərin, o cümlədən 10 monoqrafiya və kitabçanın müəllifidir.

Ədəbiyyat

1. Haqverdiyev H.T., Həsənov M .S., Məmmədova E.T. Azərbaycanın coğrafiyaçı alimləri. — Azərbaycan МЕA akademik H.Ə.Əliyev adına Coğrafiya İnstitutu. — Bakı: Elm, 2013. — Səhifələrin sayı:  204. — Səh.: 58 – 59. — 300 nüsx. — ISBN 978-9952-453-15-7. Arxivləşdirilib; arxivləşdirmə tarixi: 28 Mar 2018 - 30 Jan 2020.