MediaWiki:Təltif/Azərbaycan/"Vətən uğrunda" medalı

"Vətən uğrunda" medalı
Ölkə	Azərbaycan
Tip	medal
Status	təqdim olunur
Statistika
Təsis tarixi	29 dekabr 1998
Ardıcıllıq
Daha yüksək mükafat	"Qızıl Ulduz" medalı
Daha kiçik mükafat	"İgidliyə görə" medalı

"Vətən uğrunda" medalı — Azərbaycanın dövlət təltifi (medal). "Vətən uğrunda" medalı, Azərbaycan Prezidenti Heydər Əliyevin 1998-ci il 29 dekabr tarixli 608-IQ saylı Qanunu ilə təsis edilib. Heydər Əliyevin 2000-ci il 8 dekabr tarixli 34-IIQ saylı Qanunu ilə isə, medalın təsviri təsdiq edilib.

Təsviri

"Vətən uğrunda" medalının təsviri, Heydər Əliyevin 2000-ci il 8 dekabr tarixli 34-IIQ saylı Qanunu ilə təsdiq edildi.

"Vətən uğrunda" medalı bürüncdən tökülmüş, çevrəsi boyunca bəzəyi olan 36 mm diametrli dairəvi lövhədən ibarətdir.
Medalın mərkəzində Azərbaycan Respublikasının Dövlət gerbinin, onun altında iki kəsişən qılıncın təsviri yerləşdirilmişdir. Azərbaycan Respublikasının Dövlət gerbinin təsviririnin yuxarısında çevrə boyunca "VƏTƏN UĞRUNDA" sözləri yazılmışdır. Yazı və təsvirlər qabarıqdır.

Medal paltara bərkidilmək üçün elementi olan, 37 mm x 50 mm ölçülü düzbucaqlı xara lentə halqa və ilgək vasitəsilə birləşdirilir. Tünd palıdı rəngli xara lentin mərkəzində üç zolaq təsvir edilmişdir. Hər üçü açıq palıdı rəngdə olan həmin zolqaların 15 mm olanı mərkəzdə zolaq yerləşir. Xara lentin yuxarı hissəsinə 40 mm x 5 mm ölçülü bürünc rəngli təbəqə bərkidilir.
Medala paltara bərkidilmək üçün elementi olan, eyni xara lentdən hazırlanmış 37 mm x 10 mm ölçülü qəlib əlavə olunur.

Həmçinin bax

• "Vətən uğrunda" medalı ilə təltif edilənlərin siyahısı