Məhyəddin Abbasov

Məhyəddin Abbasov
	Abbasov Məhyəddin Paşa oğlu
	Məhyəddin Abbasov
	Məhyəddin Abbasov.
Doğum tarixi	10 fevral 1910
Doğum yeri	Nuxa, Nuxa qəzası, Yelizavetpol quberniyası, Rusiya İmperiyası
Vəfat tarixi	28 dekabr 1974 (64 yaşında)
Vəfat yeri	Şəki, Azərbaycan SSR, SSRİ
Uşaqları	Nizami Abbasov, İlham Abbasov, İftixar Abbasov, Bakıxan Abbasov, Elxan Abbasov
Atası	Paşa Abbasov
Vətəndaşlıq	SSRİ
İxtisası	jurnalist, pedaqoq
Təhsili	Azərbaycan Pedaqoji İnstitutu (1927 – )
Mükafatları	;

Məhyəddin Abbasov (1910 – 1974) — tanınmış jurnalist, pedaqoq, Azərbaycan SSR əməkdar mədəniyyət işçisi, “Şəki fəhləsi” qəzetinin redaktoru.

Haqqında məlumatlar

10 fevral 1910-cu il tarixdə Nuxada, fəhlə ailəsində anadan olub.

Kiçik yaşlarından valideynlərini itirib.

Təhsili

1927-ci ildə Azərbaycan Pedaqoji İnstitutuna daxil olub.

Əmək fəaliyyəti

Nuxadakı 1 №-li fabrikdə baramaaçan peşəsində əmək fəaliyyətinə başlayıb.

1928-ci ildən “Şəki fəhləsi” qəzeti redaksiyasında ədəbi işçi, daha sonra məsul katib vəzifəsində çalışıb.

1931-ci ildən, əvvəl Nuxadakı müxtəlif orta məktəblərində, sonra isə Nuxa Pedaqoji Texnikumunda müəllim işləyib.

1944-cü ildə “Nuxa fəhləsi” qəzetinin şöbə müdiri,

1945 – 1974-cü illərdə isə redaktoru olub.

İkinci iş yeri

1974-cü ilədək Şəki şəhər Maksim Qorki adına 10 №-li orta məktəbdə fizika fənnindən dərs deyib.

Hərbi xidmətdə

Böyük Vətən müharibəsində iştirak etmiş, 1944-cü ildə qəlpə yarasından sol qolunu itirərək I qrup Böyük Vətən müharibəsi əlili kimi ordudan tərxis olunmuşdur.

Digər

Məqalə, oçerk, felyeton və məktubları yerli və respublika mətbuatında «M.Paşa oğlu», «Görən», «Mübariz» imzaları ilə dərc olunub.

Bəxtiyar Vahabzadənin “Gülüstan” poeması da ilk dəfə “Nuxa fəhləsi”ndə — onun redaktorluğu dövründə çap edilib.

Mükafatları

II dərəcəli “Vətən Müharibəsi” ordeni;
“Qırmızı Əmək Bayrağı” ordeni;
“Azərbaycan SSR əməkdar mədəniyyət işçisi” fəxri adı (1971)^[1];
“Şərəf Nişanı” ordeni;
12 medal.

Vəfatı

28 dekabr 1974-cü il tarixdə – 64 yaşında, Şəkidə vəfat edib. Dəfnindən əvvəl, cənazəsi Şəki şəhər sovetinin iclas zalına qoyulmuş və mərhumla izdihamlı vida mərasimi təşkil olunmuşdur.

Qeydlər

↑ 1971-ci ilin dekabrında “Şəki fəhləsi” qəzetinin 50 ilik yubileyi ilə əlaqədar, qəzet Azərbaycan SSR Ali Sovetinin Fəxri Fərmanı ilə təltif edilmiş, Məhyəddin Abbasova isə Azərbaycan SSR Əməkdar Mədəniyyət işçisi fəxri adı verilmişdir

Ədəbiyyat

Abbasov E. Atam Məhyəddin Abbasovu düşünərkən (azərb.) // İpəkçi : qəzet / Aydın Məmmədov. — Şəki: “Azərbaycan” nəşriyyatı, 7 mart 2013-cü il. — № 1 (2287). — Səh. 4.
Orsər R. Məhyəddin Abbasov // Şəkidən gələn səslər. — Bakı: Elm və təhsil, 2018. — I cild. — Səhifələrin sayı: 856. — Səh.: 221 – 223. — 500 nüsx. — ISBN 978-9952-8176-5-2.

Şablon:Yaxşı məqalə

[1] 1971-ci ilin dekabrında “Şəki fəhləsi” qəzetinin 50 ilik yubileyi ilə əlaqədar, qəzet Azərbaycan SSR Ali Sovetinin Fəxri Fərmanı ilə təltif edilmiş, Məhyəddin Abbasova isə Azərbaycan SSR Əməkdar Mədəniyyət işçisi fəxri adı verilmişdir

[1]