Nazim İbrahimov

Nazim İbrahimov — Şəki Şəhər İcra Hakimiyyətinin sabiq başçısı.

Nazim İbrahimov
İbrahimov Nazim Asabəli oğlu
Nazim İbrahimov.
Şəki Şəhər İcra Hakimiyyətinin başçısı 30 sentyabr 2004 — 21 aprel 2010
Sələfi	Əşrəf Məmmədov
Xələfi	Murad Cabbarlı
Şəxsi məlumatlar
Doğum tarixi	1 sentyabr 1951 (1951-09-01)
Doğum yeri	Nuxa (indiki Şəki), Azərbaycan SSR, SSRİ
Atası	Əsabəli İbrahimov
Təhsili	D.Bünyatzadə adına Azərbaycan Xalq Təsərrüfatı İnstitutu, ticarətin iqtisadiyyatı fakültəsi (1968–1972)

Haqqında məlumatlar

1 sentyabr 1951-ci il tarixdə Nuxada (indiki Şəki) anadan olub.

Təhsili

1968-ci ildə Bakıda 150 saylı orta məktəbini bitirib.

1968 – 1972-ci illərdə D.Bünyatzadə adına Azərbaycan Xalq Təsərrüfatı İnstitutunun ticarətin iqtisadiyyatı fakültəsində təhsil alıb.

Hərbi xidmət

1973 – 1974-cü illərdə sovet ordusunda hərbi xidmətdə olub.

Əmək fəaliyyəti

1974 – 1976-cı illərdə Xüsusi Tikinti-Quraşdırma İdarəsində mühəndis,

1976 – 2001-ci illərdə Azərbaycan SSR/Azərbaycan Respublikası Ticarət Nazirliyində şöbə rəisi, nazir köməkçisi, idarə müdiri, departament rəisi,

2001 – 2004-cü illərdə Azərbaycan Beynəlxalq Bankı Mərkəzi idarəetmə Departamentinin direktoru və İdarə Heyətinin üzvü vəzifələrində çalışıb.

2004 – 2010-cu illərdə isə Şəki Şəhər İcra Hakimiyyətinin başçısı olub.

Ailəsi

Ailəlidir, iki övladı var.

Ədəbiyyat

1. Məmmədov Ə., Xalıqov F. İbrahimov Nazim // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 197-198. — 600 nüsx. — ISBN 5-8066-1708-4.