Nizami İsrafilov

Nizami İsrafilov
İsrafilov Nizami Şəhriyar oğlu
Nizami İsrafilov, 2019.
Doğum tarixi	1 yanvar 1959 (1959-01-01)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
Mənsubiyyəti	Azərbaycan Ordusu
Təhsili	Cingiz İldırim adina Azərbaycan Politexnik İnstitutu, mexanika fakültəsi (1976–1981)
Hərbi fəaliyyəti
Rütbə	polkovnik-leytenant
İstefada	2015
Təltifləri

Nizami İsrafilov — Azərbaycan Silahlı Qüvvələrinin istefada olan polkovnik-leytenantı, Birinci Qarabağ müharibəsi iştirakçısı.

Haqqında məlumatlar

1 yanvar 1959-cu il tarixdə Nuxada (indiki Şəki) anadan olub.

Təhsili

1966 – 1976-cı illərdə Nuxa şəhər 11 №-li orta məktəbində təhsil alıb.

1976 – 1981-ci illərdə Cingiz İldırim adina Azərbaycan Politexnik İnstitutunun mexanika fakültəsində təhsil alıb; institutu fərqlənmə diplomu ilə bitirib.

Əmək fəaliyyəti

1981 – 1988-ci illərdə neft sənayesi sahəsində fəaliyyət göstərən nəqliyyat departamentində müxtəlif vəzifələrdə çalışıb.

1988 – 1992 ci illərdə DOSAF sistemində işləyib.

Hərbi xidmətdə

1992 – 2015-ci illərdə Azərbaycan Milli Ordusunda zabit kimi xidmət edib; Milli Təhlükəsizlik Nazirliyinin Sərhəd Qoşunları Baş İdarəsində müxtəlif vəzifələrdə çalışıb. Azərbaycanın dövlət sərhədlərinin MDB-nin yuridiksiyadından Azərbaycanın yurisdiksiyasına qəbul edilməsində iştirak etmiş, Azərbaycanın dövlət sərhədləri ilə bağlı müvafiq komissiyasının üzvü olmuşdur.

2015-ci ildən təqaüddədir.

Təltif və mükafatları

• III dərəcəli “Qüsursuz xidmətə görə” medalı (30.08.2005);
• “Azərbaycan Respublikası Silahlı Qüvvələrinin 90 illiyi (1918 – 2008)” yubiley medalı (18.07.2008);
• II dərəcəli “Qüsursuz xidmətə görə” medalı (18.08.2009);
• “Azərbaycan Sərhəd Mühafizəsinin 90 illiyi (1919 – 2009)” yubiley medalı(18.08.2009);
• III dərəcəli “Hərbi xidmətdə fərqlənməyə görə” medalı (17.08.2012);
• I dərəcəli “Qüsursuz xidmətə görə” medalı (18.07.2013);
• “Azərbaycan Respublikası Silahlı Qüvvələrinin 95 illiyi (1918 – 2013)” Azərbaycan Respublikasının yubiley medalı (29.12.2013);
• “General Həzi Aslanov” yubiley medalı (Azərbaycan Respublikası Veteranlar Təşkilatı) (18.08.2019).