Nizami Nəbiyev

Nizami Nəbiyev
	Nəbiyev Nizami Kərəm oğlu
	Nizami Nəbiyev.
Təxəllüsü	Nizami Sakit
Doğum tarixi	1932
Doğum yeri	Böyük Dəhnə, Nuxa (indiki Şəki) rayonu, Azərbaycan SSR, ZSFSR, SSRİ
Vəfatı	26 iyul 1993 (61 yaşında)
Vəfat yeri	Şəki, Azərbaycan
Dəfn yeri	Böyük Dəhnə, Şəki rayonu, Azərbaycan
Vətəndaşlığı	SSRİ→ Azərbaycan
İxtisası	jurnalist
Təhsili	S.M.Kirov adına Azərbaycan Dövlət Universiteti, jurnalistika fakültəsi (1950 – 1955)
Mükafatları

Nizami Nəbiyev (1932–1993) — tanınmış jurnalist, “Şəki” qəzetinin (əvvəlki “Şəki fəhləsi” qəzeti) redaktor müavini və sabiq redaktoru.

Haqqında məlumatlar

1932-ci ildə Nuxa (indiki Şəki) rayonunun Böyük Dəhnə kəndində anadan olub.

Təhsili

Böyük Dəhnə kənd orta məktəbini bitirib.

1950 – 1955-ci illərdə S.M.Kirov adına Azərbaycan Dövlət Universitetinin jurnalistika fakültəsində təhsil alıb.

Əmək fəaliyyəti

1955-ci ildə Ağdaşda çıxan “Pambıq uğrunda mübarizə” qəzetində ədəbi işçi kimi əmək fəaliyyətinə başlayıb.

1956 – 1962-ci illərdə “Nuxa fəhləsi” qəzetində,

1962 – 1965-ci illərdə Nuxada çıxan “Lenin bayrağı” qəzetində,

1965 – 1993-cü illərdə isə “Nuxa fəhləsi”/“Şəki fəhləsi”/“Şəki” qəzetində işləyib; o cümlədən, əvvəl şöbə müdiri, sonra məsul katib, daha sonra redaktor müavini,

1979-cu ilin iyul ayından 1992-ci ilin avqust ayınadək redaktor (baş redaktor),

1992-ci ilin avqust ayından sonra isə yenidən redaktor müavini vəzifəsində çalışıb.

Digər

1979 – 1991-ci illərdə Azərbaycan KP Şəki şəhər partiya komitəsi bürosunun üzvü olub. Dörd çağırış şəhər sovetinin deputatı seçilib.

Çoxlu sayda hekayə, oçerk, felyeton və publisistik məqalənin müəllifi, Baba Səmədov haqqında “Qəhrəman mexanizator” kitabının həmmüəllifidir (ikinci həmmüəllif: Sabir Əfəndiyev). Gənc yaşlarında şeir də yazıb.

Təltif və mükafatları

“Şərəf Nişanı” ordeni (1974);
Azərbaycan SSR Ali Sovetinin Fəxri fərmanı, iki dəfə.

Vəfatı

26 iyul 1993-cü il tarixdə – 61 yaşında, uzun sürən xəstəlikdən sonra Şəkidə vəfat edib. 27 iyul 1993-cü il tarixdə Böyük Dəhnə kənd qəbiristanlığında dəfn olunub.

Ədəbiyyat

Nizami Kərim oğlu Nəbiyev (nekroloq) = Низами Кәрим оғлу Нәбијев // Salis Məmmədov (baş redaktor), Aydın Məmmədov (redaktor) Şəkinin səsi : qəzet. — Şəki: Şəki mətbəəsi, 1993. — В. 4 avqust. — № 6. — Səh. 3.
Qarayev Z. Görkəmli jurnalist // Dəhnə ziyalıları = Ҝөркәмли журналист. — Bakı: Şuşa, 2000. — Səhifələrin sayı: 152. — Səh.: 55-61. — 500 nüsx.
Mete Ə. Şəki qəzetləri və qəzetçiləri // O torpağın övladları. — Bakı: Nurlan, 2006. — Səhifələrin sayı: 608. — Səh.: 374-375. — 500 nüsx.
Orsər R. Nizami Nəbiyev // Şəkidən gələn səslər. — Bakı: Elm və təhsil, 2018. — I cild. — Səhifələrin sayı: 856. — Səh.: 319-321. — 500 nüsx. — ISBN 978-9952-8176-5-2.