Qüdrət Əbdülsəlimzadə

Qüdrət Əbdülsəlimzadə
Əbdülsəlimzadə Qüdrət Yaqub oğlu
Qüdrət Əbdülsəlimzadə, 2015-ci il.
Doğum tarixi	27 avqust 1933(1933-08-27)
Doğum yeri	Nuxa (inidiki Şəki), ZSFSR, Azərbaycan SSR, SSRİ
Vəfat tarixi	13 oktyabr 2016 (83 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Elmi dərəcəsi	iqtisad elmləri doktoru
Elmi adı	professor
Təhsili	S.M.Kirov adına Azərbaycan Dövlət Universiteti (1952–1957) Azərbaycan SSR EA İqtisadiyyat İnstitutu, aspirantura (1957–1960)

Qüdrət Əbdülsəlimzadə (1933–2016) — iqtisad elmləri doktoru, Bakı Biznes Universitetinin və Qərb Universitetinin professoru. 1992–1995-ci illərdə Azərbaycan Respublikası Dövlət Əmlak Komitəsinin, 1990-cı ilin 20 yanvar hadisələrində İctimai Dəfn Komissiyasının sədri olmuşdur.

Haqqında məlumatlar

27 avqust 1933-cü il tarixdə Nuxada (indiki Şəki) anadan olub.

Təhsili

1941 – 1952-ci illərdə Nuxada orta məktəbdə oxuyub.

1952 – 1957-ci illərdə S.M.Kirov adına Azərbaycan Dövlət Universitetində təhsil alıb; universiteti fərqlənmə diplomu ilə bitirib.

1957 – 1960-cı illərdə Azərbaycan SSR EA İqtisadiyyat İnstitutunun aspirantı olub.

Elmi fəaliyyəti

1961-ci ildə namizədlik,

1969-cu ildə isə doktorluq dissertasiyası müdafiə edib.

Daha sonra professor elmi adını alıb.

Tədqiqatları iqtisadi nəzəriyyə, beynəlxalq iqtisadi münasibətlər və keçid dövrü iqtisadiyyatına həsr olunmuşdur. 150-dәn çox elmi əsərin müəllifidir. Elmi kadrların hazırlanmasında xidməti olub.

Əmək fəaliyyəti

1961-ci ildə Azərbaycan SSR EA İqtisadiyyat İnstitutunda işə götürülüb və 1992-ci ilə qədər bu elmi-tədqiqat institutunda işləyib (əvvəl kiçik elmi işçi, sonra baş elmi işçi, daha sonra isə şöbə müdiri).

1992 – 1995-ci illərdə Azərbaycan Respublikası Dövlət Əmlak Komitəsinin sədri,

Müxtəlif illərdə Bakı Biznes Universitetinin və Qərb Universitetinin professoru olub.

1997-ci ildən isə Qərb Universitetinin prorektoru vəzifəsində calışıb.

İctimai aktivliyi

20 yanvar 1990-cı il hadisələrində İctimai Dəfn Komissiyasının sədri olub.

Vəfatı

13 oktyabr 2016-cı il tarixdə Bakı Biznes Universitetində dərs zamanı – 83 yaşında, auditoriyada vəfat edib.

Ədəbiyyat

1. Məmmədov Ə., Xalıqov F. Əbdülsəlimzadə Qüdrət // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 106-108. — 1.000 nüsx.
2. ƏBDÜLSƏLİMZADƏ Qüdrәt Yaqub // Azərbaycan Milli Ensiklopediyası : ensiklopediya  : [25 cilddə] (tiraj: 10 000; 600 s.). — Bakı: “Azərbaycan Milli Ensiklopediyası” Elmi Mərkəzi, 2018. —VIII  c. — Səh. 177. — ISBN 978-9952-441-13-0.