Qorxmaz Bəkirov
| Qorxmaz Bəkirov | |
|---|---|
| Bəkirov Qorxmaz Mürsəl oğlu | |
 | |
| Qorxmaz Bəkirov, 1990-cı il | |
| Doğum tarixi | 1940 |
| Doğum yeri |
Nuxa, Nuxa rayonu, .svg){kind=small} Azərbaycan SSR,  SSRİ |
| Vəfat tarixi | 1999 |
| Vəfat yeri |
Şəki,  Azərbaycan |
| Təhsili |
Bakı Energetika Texnikumu Çingiz İldırım adına Azərbaycan Politexnik İnstitutu |
Qorxmaz Bəkirov — 1978 – 1991-ci illərdə Şəki 2717 nömrəli avtomobil dəstəsinin rəisi olmuş, 1990-cı ildə Şəki Şəhər Sovetinə deputat seçilmiş, 1991-ci ildə 5 ay Şəki Şəhər Soveti sədrinin müavini olmuşdur; həmçinin, 1990-cı ildə 130 nömrəli Şəki ikinci şəhər seçki dairəsindən Azərbaycan SSR xalq deputatlığına namizəd göstərilmiş, lakin seçilməmişdir.
Haqqında məlumatlar
1940-cı ildə Nuxada anadan olub.
Təhsili
Orta məktəbin yeddinci sinfini bitirdikdən sonra, əvvəl Bakı Energetika Texnikumunda, daha sonra isə Çingiz İldırım adına Azərbaycan Politexnik İnstitutunda təhsil alıb.
Əmək fəaliyyəti
1967-ci ildə Zaqqtala rayon rabitə qovşağınındə texnik vəzifəsində əmək fəaliyyətinə başlayıb. Sonra Şəki 6 nömrəli istismar rabitə qovşağında əvvəl mühəndis, daha sonra sahə rəisi vəzifələrində çalışıb.
1972-ci ildə “Azərkəndtexnika” birliyi Şəki şöbəsi müdirinin müavini müavini vəzifəsinə irəli çəkilib.
1978 – 1991-ci illərdə Şəki 2717 nömrəli avtomobil dəstəsinin rəisi olub.
İctimai-siyasi fəaliyyəti
1970-ci ildən Sov.İKP-nin üzvü olub.
1990-cı ildə Şəki Şəhər Sovetinə deputat seçilib.
1990-cı ildə 130 nömrəli Şəki ikinci şəhər seçki dairəsindən Azərbaycan SSR xalq deputatlığına namizəd göstərilmiş, lakin seçilməmişdir[1].
İstinadlar
- ↑ 130 nömrəli Şəki ikinci şəhər seçki dairəsində bir deputat yerinə üç namizəd səsə qoyulmuş və onlardan heç biri seçilməmişdir. Dairə seçki komissiyası dairədə daha çox – 40,5 faiz səs toplamış Şəki İstehsal İpək Birliyinin baş direktoru Çingiz Yunus oğlu Əfəndiyev və 21,1 faiz səs toplamış Şəki şəhər 17 nömrəli məktəbin müəllimi Paşa Şaban oğlu Paşayev üzrə 1990-cı il oktyabrın 14-də təkrar səsvermə keçirmək haqqında qərar qəbul etmişdir. Təkrar səsvermədə Çingiz Əfəndiyev Azərbaycan SSR xalq deputatı seçilmişdir.
İstifadə edilmiş əsas mənbə
- Qorxmaz Mürsəl oğlu Bəkirov (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 22 sentyabr 1990. — № 25 – 26 (1959 – 1960). — Səh. 2.