Rəşad Əhmədov

Rəşad Əhmədov
Əhmədov Rəşad Ələkbər oğlu
Rəşad Əhmədov.
Doğum tarixi	17 iyun 2002(2002-06-17)
Doğum yeri	Şəki, Azərbaycan
Vəfat tarixi	1 oktyabr 2020 (18 yaşında)
Vəfat yeri	Tapqaraqoyunlu kəndi, Goranboy rayonu, Azərbaycan
Vəfat səbəbi	döyüşdə şəhid olub
Vətəndaşlıq	Azərbaycan
Mənsubiyyəti	Azərbaycan Ordusu
Atası	Ələkbər
Anası	Şərafət
Hərbi fəaliyyəti
Qoşun növü	Quru Qoşunları
Rütbə	sıravi
Təltifləri

Rəşad Əhmədov (2002–2020) — Vətən müharibəsində şəhid olmuş Azərbaycan Silahlı Qüvvələrinin əsgəri.

Haqqında məlumatlar

17 iyun 2002-ci il tarixdə Şəkidə anadan olub.

Təhsili

2008 – 2019-cu illərdə Nizami Gəncəvi adına Şəki şəhər 7 saylı tam orta məktəbində təhsil alıb.

Hərbi xidmətdə

2020-ci ilin iyul ayında həqiqi hərbi xidmətə çağırılıb və Goranboyda yerləşən «N» saylı hərbi hissədə əsgəri xidmətə başlayıb.

27 sentyabr 2020-ci ildə başlayan Vətən müharibəsi zamanı xidmət etdiyi hərbi hissənin tərkibində döyüşlərdə iştirak edib. Suqovuşan, Ağdərə uğrunda gedən döyüşlərdə vuruşub.

Şəhid olması

1 oktyabr 2020-ci il tarixdə – 18 yaşında, Goranboy rayonunun Tapqaraqoyunlu kəndində, yaxınlığına düşmüş düşmən mərmisinin partlaması nəticəsində döyüş zamanı qəhrəmancasına həlak olub.

30 dekabr 2000-ci il tarixdə Şəkidəki Dovşan düzü qəbiristanlığının şəhidlər üçün ayrılmış hissəsində dəfn edilib.

Təltif və mükafatları

• “Vətən uğrunda” medalı – ölümündən sonra (24.06.2021);
• “Suqovuşanın azad olunmasına görə” medalı — ölümündən sonra (05.11.2021).

Ailəsi

Ailədə iki qardaş olublar. Subay idi. Atası Ələkbər Əhmədov 2013-cü ilin dekabr ayında vəfat etmişdi.

Digər fəaliyyəti

2010 – 2014-cü illərdə karate idman növü ilə məşğul olub.

Ədəbiyyat

1. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : TALEH Fərhad oğlu Daşdəmirov : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.
2. Azərbaycan Respublikası Prezidentinin Silahlı Qüvvələrin hərbi qulluqçularının “Vətən uğrunda” medalı ilə təltif edilməsi haqqında Sərəncamı : [arx. 24 Jun 2021 - 5 Oct 2021] // Azərbaycan Müdafiə Nazirliyi. — 2021. — 24 iyun. — Müraciət tarixi: 05.02.2022.
3. Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı : “Suqovuşanın azad olunmasına görə” medalı ilə : [arx. 05.11.2021] // Azərbaycan Müdafiə Nazirliyi. — 2021. — 5 noyabr. — Müraciət tarixi: 21.12.2021.
4. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : RƏŞAD Ələkbər oğlu Əhmədov : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.
5. Rəşad Əhmədov : Nəşi 90 gün sonra tapıldı : [arx. 05.12.2021] // Memorial. — Müraciət tarixi: 28.08.2022.

Videolar

• Həmçinin, bax: Şəkinin Vətən müharibəsi şəhidlərinin siyahısı (xüsusi cədvəl)