Röyal Xasıyev

Röyal Xasıyev
Xasıyev Röyal Abuzər oğlu
Röyal Xasıyev.

Röyal Xasıyev (1993–2020) — Vətən müharibəsində şəhid olmuş Azərbaycan Silahlı Qüvvələrinin baş leytenantı.

Haqqında məlumatlar

19 aprel 1993-cü il tarixdə Şəki rayonunun İkinci Biləcik kəndində anadan olub.

Təhsili

1999 – 2007-ci illərdə Şəki rayonunun İkinci Biləcik kənd tam orta məktəbində,

2010 – 2013-cü illərdə Cəmşid Naxçıvanski adına hərbi liseydə,

2013 – 2017-ci illərdə isə Heydər Əliyev adına Azərbaycan Ali Hərbi Məktəbində təhsil alıb.

Hərbçi əmək fəaliyyəti

2017-ci ildən leytenant,

2019-cu ildən isə baş leytenant rütbəsi ilə zabit olaraq Azərbaycan Ordusunda xidmət edib.

27 sentyabr 2020-ci il tarixdən – Vətən müharibəsinin ilk günündən, döyüşlərdə zabit olaraq iştirak edib.

Şəhid olması

7 oktyabr 2020-ci il tarixdə – 27 yaşında, Füzuli rayonunun işğaldan azad edilməsi uğrunda döyüşdə qəhrəmancasına həlak olub.

8 oktyabr 2020-ci il tarixdə İkinci Biləcik kəndinin qəbiristanlığında dəfn edilib.

Təltif və mükafatları

• “Azərbaycan Ordusunun 100 illiyi (1918-2018)” yubiley medalı (26.06.2018);
• “Vətən uğrunda” medalı – ölümündən sonra (15.12.2020);
• “Azərbaycan Bayrağı” ordeni – ölümündən sonra (15.12.2020);
• “Füzulinin azad olunmasına görə” medalı – ölümündən sonra (25.12.2020).

Ailəsi

Ailədə iki qardaş olublar. Subay idi.

Xatirəsi

22 oktyabr 2021-ci il tarixdə Şəki rayonunun İkinci Biləcik kəndində onun adını daşıyan bulaq istifadəyə verilib.

Ədəbiyyat

1. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Vətən uğrunda” medalı ilə təltif edilməsi haqqında : [arx. 15 Dec 2020 - 6 Oct 2021] // Azərbaycan Müdafiə Nazirliyi. — 2020. — 15 dekabr. — Müraciət tarixi: 21.12.2021.
2. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının təltif edilməsi haqqında : [arx. 15 Dec 2020 - 15 Dec 2020] // Azərbaycan Müdafiə Nazirliyi. — 2020. — 15 dekabr. — Müraciət tarixi: 06.02.2022.
3. Azərbaycan Respublikası Silahlı Qüvvələrinin hərbi qulluqçularının “Füzulinin azad olunmasına görə” medalı ilə təltif edilməsi haqqında Azərbaycan Respublikası Prezidentinin Sərəncamı (azərb.). https://mod.gov.az/. Azərbaycan Müdafiə Nazirliyi (25 DEKABR 2020). Arxivləşdirilib (15 yanvar 2021).
4. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : RAHİB Məmmədemin oğlu Hacıismayılov : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.

Video

• Həmçinin, bax: Şəkinin Vətən müharibəsi şəhidlərinin siyahısı (xüsusi cədvəl)