Rəfiqə Axundova

Rəfiqə Axundova
Axundova Rəfiqə Mirhəsən qızı
Rəfiqə Axundova.
Doğum tarixi	1 aprel 1925(1925-04-01)
Doğum yeri	Nuxa (indiki Şəki), Şəki qəzası, Azərbaycan SSR, ZSFSR, SSRİ
Vəfat tarixi	11 fevral 2010 (84 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Təhsili	• Azərbaycan Tibb İnstitutu, müalicə-profilaktika fakültəsi (1943–1948)  • Azərbaycan Tibb İnstitutu, göz xəstəlikləri kafedrası, kliniki ordinatura (1956–)  • Azərbaycan SSR Elmi-Tədqiqat Oftalmologiya İnstitutu, aspirantura (1961–1964)
Atası	Mirhəsən Axundov
Mükafatları
Adının digər versiyaları	Refiqe Axundova, Rafiqa Axundova, Refiqe Axundova, Rafiqe Axundova, Рафига Ахундова, Рафиге Ахундова, Рефиге Ахундова, Рефига Ахундова, Рәфигә Ахундова

Rəfiqə Axundova (1925–2010) — tanınmış oftalmoloq həkim və pedaqoq, tibb elmləri namizədi, Azərbaycan Tibb Universitetinin dosenti.

Haqqında məlumatlar

1 aprel 1925-ci il tarixdə Nuxada (indiki Şəki) anadan olub.

Təhsili

1933 – 1934-cü illərdə Nuxa şəhər 7 №-li orta məktəbində,

1934 – 1943-cü illərdə Bakı şəhər 171 №-li orta məktəbində,

1943 – 1948-ci illərdə Azərbaycan Tibb İnstitutunun müalicə-profilaktika fakültəsində,

1956-cı ildən Azərbaycan Tibb İnstitutunun göz xəstəlikləri kafedrasının kliniki ordinaturasında,

1961 – 1964-cü illərdə isə Azərbaycan SSR Elmi-Tədqiqat Oftalmologiya İnstitutunun aspiranturasında təhsil alıb.

Əmək fəaliyyəti

1948-ci ildə təyinatla Quba rayon xəstəxanasına həkim-terapevt göndərilib.

1964-cü ildən Azərbaycan Tibb İnstitutunun göz xəstəlikləri kafedrasında əvvəl həkim baş laborant, sonra assistent, daha sonra dosent,

Elmi fəaliyyəti

1967-ci ildə “Traxomanın çətin sağalan III stadiyasının konkrementlərlə müşahidə olunan formasının klinika, patomorfologiya, histokimyəvi dəyişiklikləri və müalicəsi” mövzusunda dissertasiyasını müdafiə edib.

76 elmi məqalənin və akademik U.S.Musabəyli ilə birgə yazılmış “Refraksiya akkomodasiya və optiki şüşələrin təyini” adlı dərsliyin müəllifidir (Bakı, Tibb İnstitutunun mətbəəsi, 1977).

Təltif və mükafatları

• “Səhiyyə əlaçısı” döş nişanı;
• “Əmək veteranı” medalı.

Vəfatı

11 fevral 2010-cu il tarixdə – 84 yaşında, Bakıda vəfat edib.

Ədəbiyyat

1. Məmmədov Ə., Xalıqov F. Axundova Rəfiqə // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 57-58. — 1.000 nüsx.
2. Mete Ə. Tibb elmləri doktoru və namizədi olan həkimlər haqda qısa məlumat // O torpağın övladları. — Bakı: Nurlan, 2006. — Səhifələrin sayı:  608. — Səh.: 367. — 500 nüsx.