Rəfiqə Qazıyeva
| Rəfiqə Qazıyeva | |||||||
|---|---|---|---|---|---|---|---|
| Qazıyeva Rəfiqə Salam qızı | |||||||
 | |||||||
| Rəfiqə Qazıyeva özünün 80 illik yubiley şənliyində, 2019-cu il. | |||||||
|
|||||||
| Sələfi | Güllü Əbilova | ||||||
| Xələfi | vəzifə ləğv olundu. | ||||||
| Doğum tarixi | 11 fevral 1939 | ||||||
| Doğum yeri |
Bakı, .svg){kind=small} Azərbaycan SSR |
||||||
| Milliyyəti | azərbaycanlı | ||||||
| Atası | Salam Qazıyev | ||||||
| Anası | Səidə Qazıyeva (Salamova) | ||||||
| Həyat yoldaşı | Rəfael Fərəcullayev | ||||||
| Təhsili |
• M.Əzizbəyov adına Azərbaycan Neft və Kimya İnstitutu • Bakı Ali Partiya məktəbi (1970–1973) |
||||||
| İxtisası | mədən işlərinin elektronlaşdırılması və avtomatlaşdırılması | ||||||
| Təltifləri |
 |
||||||
| Saytı (saytının arxiv versiyası) | |||||||
Rəfiqə Qazıyeva — görkəmli dövlət xadimi; müxtəlif illərdə bir sıra yüksək dövlət vəzifələrində çalışmış, o cümlədən, on ildən artıq müddət ərzində Azərbaycan SSR Ali Sovetinin Rəyasət Heyətinin katibi olmuşdur.
Haqqında məlumatlar
11 fevral 1939-cu il tarixdə Bakıda, ziyalı ailəsində anadan olub.
Təhsili
M.Əzizbəyov adına Azərbaycan Neft və Kimya İnstitutunu (mədən işlərinin elektronlaşdırılması və avtomatlaşdırılması ixtisası üzrə) bitirib.
1970 – 1973-cü illərdə Bakı Ali Partiya məktəbində təhsil alıb.
Əmək fəaliyyəti
Orta məktəbi bitirdikdən sonra Dövlət Layihə İnstitutunda prorabdan mühəndisədək müxtəlif vəzifələrdə çalışıb.
1969 – 1980-cı illərdə Azərbaycan KP Bakı şəhər Nəsimi rayon komitəsində və Azərbaycan KP MK-da işləyib.
1980 – 1991-ci illərdə Azərbaycan SSR Ali Sovetinin Rəyasət Heyətinin katibi, sonra isə Azərbaycan Respublikası Ali Sovetinin Rəyasət Heyəti sədrinin müavini olub.
1991 – 1992-ci illərdə Azərbaycan Respublikasının Prezident Aparatında dövlət təltifləri şöbəsinin müdiri,
1994 – 1995-ci illərdə Azərbaycan Respublikası Milli Məclisində Elmi, dini və mədəni məsələlər üzrə komissiyanın eksperti,
1998 – 2007-ci illərdə Azərbaycan Respublikasının Konstitusiya Məhkəməsində kadrlar şöbəsinin rəisi vəzifəsində çalışıb.
İctimai-siyasi aktivliyi
1980-cı ildə 139 nömrəli Kirovabad-Orconikidze seçki dairəsindən X çağırış Azərbaycan SSR Ali Sovetinin deputatı seçilib.
7 fevral 1991-ci il tarixdən Azərbaycan Respublikası Ali Sovetinin Qadınların əməyi və məişəti, anaları və uşaqları mühafizə məsələləri daimi komissiyasının sədri olub.
Təltif və mükafatları
Ailəsi
Atası Salam Qazıyev Baş Göynük kəndindən, anası Səidə Salamova isə Nuxa şəhərindən idi (Səidə Salamova Mövsüm Salamovun bacısıdır).
İki övladı və nəvələri var.
Fotoşəkillər
Rəfiqə Qazıyeva, 1980-cı illər.
Heydər Əliyev və Rəfiqə Qazıyeva, 1980-cı illər.
Rəfiqə Qazıyeva Azərbaycana gələn xarici qonaqları qarşılayarkən, 1980-cı illər.
Ədəbiyyat
- AZƏRBAYCAN RESPUBLİKASI ALİ SOVETİNİN QƏRARI : Azərbaycan Respublikası Ali Soveti Rəyasət heyətinin fərdi tərkibi haqqında : [arx. 12 Feb 2018 - 24 Jun 2020] // E-qanun.az. — 1991. — 7 fevral. — Müraciət tarixi: 25.09.2021.
- Rafiga Kaziyeva : [arx. 25.09.2021] : [rus.] // Rafiga Kaziyeva. — Müraciət tarixi: 25.09.2021.
 | © 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |