Rahib Hacı-İsmayılov

Rahib Hacı-İsmayılov
Hacı-İsmayılov Rahib Məmmədemin oğlu
Rahib Hacı-İsmayılov (13.10.2020).
Doğum tarixi	17 sentyabr 1991(1991-09-17)
Doğum yeri	Şəki, Azərbaycan
Vəfat tarixi	20 oktyabr 2020 (29 yaşında)
Vəfat yeri	Tərtər rayonu, Azərbaycan
Dəfn yeri	Dovşan düzü qəbiristanlığı, Şəki, Azərbaycan
Vəfat səbəbi	döyüşdə şəhid olub
Vətəndaşlıq	Azərbaycan
Mənsubiyyəti	Azərbaycan Ordusu
Atası	Məmmədemin
Anası	Tangiz
Hərbi fəaliyyəti
Qoşun növü	Quru Qoşunları
Rütbə	sıravi
Vəzifəsi	baş atıcı
Təltifləri
facebook səhifəsi

Rahib Hacı-İsmayılov (1991–2020) — Vətən müharibəsində şəhid olmuş Azərbaycan Silahlı Qüvvələrinin əsgəri.

Haqqında məlumatlar

Rahib Hacı-İsmayılov (13.10.2020).

17 sentyabr 1991-ci il tarixdə Şəkidə anadan olub.

Təhsili

2007-ci ildə Şəki şəhər 19 saylı tam orta məktəbinin 9-cu sinfini bitirib.

Əmək fəaliyyəti

2012-ci ilin əvvəlindən Bakıda “Avromed” şirkətində işləməyə başlayıb.

Hərbi xidmətdə

2010-cu ilin əvvəlindən 2011-ci ilin aprel ayınadək Xızıda yerləşən “N” saylı xüsusi təyinatlı hərbi hissədə həqiqi hərbi xidmətdə olub.

27 sentyabr 2020-ci il tarixdə Vətən müharibəsinin başlamasından sonra “N” saylı hərbi hissənin tərkibində Tərtər, Ağdam və Ağdərə istiqamətlərində gedən döyüşlərdə iştirak edib. Xidməti dövründə baş atıcı olub.

Şəhid olması

20 oktyabr 2020-ci il tarixdə – 29 yaşında, Tərtər rayonu ərazisində gedən ağır döyüşdə qəhrəmancasına həlak olub.

Şəkidə Dovşan düzü qəbiristanlığının şəhidlər üçün ayrılmış hissəsində dəfn edilib.

Təltif və mükafatları

• “Vətən uğrunda” medalı – ölümündən sonra (15.12.2020);
• “Suqovuşanın azad olunmasına görə” medalı — ölümündən sonra (24.06.2021);
• “Cəsur döyüşçü” medalı – ölümündən sonra (24.06.2021).

Ailəsi

Ailədə iki qardaş olublar. Subay idi.

Atası uzun illər Şəkidə “Abadlıq” kiçik müəssisəsində sürücü işləmişdir. Anası isə xəstəliyi ilə bağlı Şəki şəhər 2 saylı Uşaq Musiqi məktəbindən təqaüdə çıxmışdı və 3-cü qrup əlil idi. Ailəvi Bakıya köçmüşdülər.

Xatirəsi

22 oktyabr 2021-ci il tarixdə Şəkidə onun adını daşıyan bulaq-kompleksi istifadəyə verilib.

Ədəbiyyat

1. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Vətən uğrunda” medalı ilə təltif edilməsi haqqında : [arx. 15 Dec 2020 - 6 Oct 2021] // Azərbaycan Müdafiə Nazirliyi. — 2020. — 15 dekabr. — Müraciət tarixi: 21.12.2021.
2. Azərbaycan Respublikası Prezidentinin Silahlı Qüvvələrin hərbi qulluqçularının “Suqovuşanın azad olunmasına görə” medalı ilə təltif edilməsi haqqında Sərəncamı : [arx. 24 Jun 2021 - 18 Nov 2021] // Azərbaycan Müdafiə Nazirliyi. — 2021. — 24 iyun. — Müraciət tarixi: 21.12.2021.
3. Azərbaycan Respublikası Prezidentinin Silahlı Qüvvələrin hərbi qulluqçularının “Cəsur döyüşçü” medalı ilə təltif edilməsi haqqında Sərəncamı : [arx. 24.06.2021] // Azərbaycan Müdafiə Nazirliyi. — 2021. — 24 iyun. — Müraciət tarixi: 09.12.2021.
4. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : RAHİB Məmmədemin oğlu Hacıismayılov : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.

Video

• Həmçinin, bax: Şəkinin Vətən müharibəsi şəhidlərinin siyahısı (xüsusi cədvəl)