Ramil Əliyev
| Ramil Əliyev | |
|---|---|
| Əliyev Ramil Manaf oğlu | |
 | |
| Ramil Əliyev. | |
| Doğum tarixi | 28 sentyabr 1953 |
Ramil Əliyev
Haqqında məlumatlar
Təhsili
Elmi fəaliyyəti
Əmək fəaliyyəti
Təltif və mükafatları
Ramil Manaf oğlu Əliyev 1953-cü il sentyabr ayının 28-də Аzərbaycan Respublikasının Şəki şəhərində anadan olmuşdur. 1960-1970-ci illərdə Şəki şəhər 10 №-li orta məktəbdə təhsil almış, 1970-1971-ci illərdə Şəki mətbəəsində çalışmışdır. 1972-1977-ci illərdə Bakı Dövlət Universitetinin filologiya fakültəsində oxumuşdur.1983-cü ildə Nizami adına Аzərbaycan ədəbiyyatı tarixi muzeyində, 1983-1995-ci illərdə Elm nəşriyyatında işləmiş, 1992-ci ildə Mifoloji görüşlər və onların Аzərbaycan nağıllarında izləri mövzusunda namizədlik, 2008-ci ildə doktorluq dissertasiyası müdafiə etmişdir. 2009-cu ildən filologiya üzrə elmlər doktorudur. 2014-cü ildə AAK-ın qərarı ilə professor elmi adını almışdır.1995-2002-ci illərdə АMEА Milli Münasibətlər İnstitutunda, 2002-ci ildə АMEА Folklor İnstitutunda böyük elmi işçi, aparıcı elmi işçi, 2009-cu ildən Azərbaycan Müəllimlər İnstitutu Azərbaycan dilinin tədrisi metodikası kafedrasında müəllim vəzifəsində çalışmış, 2010-cu ildən Аzərbaycan ədəbiyyatı və onun tədrisi metodikası kafedrasının dosenti vəzifəsini tutmuşdur. Sonra həmin kafedranın müdiri olmuş, 2015-ci ildən elmi işlər üzrə prorektor təyin olunmuşdur. 100-dən artıq kitab, monoqrafiya, dərslik, dərs vəsaiti, proqram, məqalə və metodik işlərin müəllifidir.
Аiləlidir. İki övladı, dörd nəvəsi vardır.
Ədəbiyyat
- Məmmədov Ə., Xalıqov F. Əliyev Ramil // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 136-138. — 1.000 nüsx.
- Əliyev Ramil Manaf oğlu // Azərbaycan Milli Ensiklopediyası : ensiklopediya : [25 cilddə] (tiraj: 10 000; 600 s.). — Bakı: “Azərbaycan Milli Ensiklopediyası” Elmi Mərkəzi, 2018. —VIII c. — Səh. 375. — ISBN 978-9952-441-13-0.
- Ramil Əliyev : [arx. 26.10.2021] // Azərbaycan Dövlət Pedaqoji Universiteti Filologiya Fakültəsi. — Müraciət tarixi: 26.10.2021.