Ramil Əliyev
| Ramil Əliyev | |
|---|---|
| Əliyev Ramil Manaf oğlu | |
 | |
| Ramil Əliyev. | |
| Doğum tarixi | 28 sentyabr 1953 |
| Doğum yeri |
Nuxa (indiki Şəki), .svg){kind=small} Azərbaycan SSR,  SSRİ |
| Vətəndaşlıq |
SSRİ→ Azərbaycan |
| Elm sahəsi | filologiya |
| İş yeri | Azərbaycan Müəllimlər İnstitutu (elmi işlər üzrə prorektor) |
| Elmi dərəcəsi | filologiya üzrə elmlər doktoru |
| Elmi adı | professor |
| Təhsili | • S.M.Kirov adına Azərbaycan Dövlət Universitetinin filologiya fakültəsi (1972–1977) |
Ramil Əliyev — filologiya üzrə elmlər doktoru, professor, Azərbaycan Müəllimlər İnstitutunun elmi işlər üzrə prorektoru.
Haqqında məlumatlar
28 sentyabr 1953-cü il tarixdə Nuxada (indiki Şəki) anadan olub.
Təhsili
1960 – 1970-ci illərdə Nuxa/Şəki şəhər 10 №-li orta məktəbində,
1972 – 1977-ci illərdə S.M.Kirov adına Azərbaycan Dövlət Universitetinin filologiya fakültəsində təhsil alıb.
Əmək fəaliyyəti
1970 – 1971-ci illərdə Şəki mətbəəsində,
1983-cü ildə Nizami adına Аzərbaycan ədəbiyyatı tarixi muzeyində,
1983 – 1995-ci illərdə Elm nəşriyyatında işləyib.
1995 – 2002-ci illərdə АMEА Milli Münasibətlər İnstitutunda,
2002-ci ildə АMEА Folklor İnstitutunda böyük elmi işçi, aparıcı elmi işçi vəzifəsində çalışıb.
2009-cu ildən Azərbaycan Müəllimlər İnstitutunda işləyir; o cümlədən,
2009-cu ildən Azərbaycan dilinin tədrisi metodikası kafedrasında müəllim,
2010-cu ildən Аzərbaycan ədəbiyyatı və onun tədrisi metodikası kafedrasında əvvəlcə dosent, sonra isə kafedranın müdiri vəzifəsini tutub,
2015-ci ildən institutun elmi işlər üzrə prorektoru vəzifəsinə təyin olunub.
Elmi fəaliyyəti
1992-ci ildə “Mifoloji görüşlər və onların Аzərbaycan nağıllarında izləri” mövzusunda namizədlik dissertasiyasını,
2008-ci ildə isə doktorluq dissertasiyasını müdafiə edib.
2009-cu ildə filologiya üzrə elmlər doktoru elmi dərəcəsini,
2014-cü ildə professor elmi adını alıb.
100-dən artıq kitab, monoqrafiya, dərslik, dərs vəsaiti, proqram, məqalə və metodik işlərin müəllifidir.
Ailəsi
Аiləlidir. İki övladı, dörd nəvəsi vardır.
Ədəbiyyat
- Məmmədov Ə., Xalıqov F. Əliyev Ramil // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 136-138. — 1.000 nüsx.
- Əliyev Ramil Manaf oğlu // Azərbaycan Milli Ensiklopediyası : ensiklopediya : [25 cilddə] (tiraj: 10 000; 600 s.). — Bakı: “Azərbaycan Milli Ensiklopediyası” Elmi Mərkəzi, 2018. —VIII c. — Səh. 375. — ISBN 978-9952-441-13-0.
- Ramil Əliyev : [arx. 26.10.2021] // Azərbaycan Dövlət Pedaqoji Universiteti Filologiya Fakültəsi. — Müraciət tarixi: 26.10.2021.