Rauf Qazıyev

Rauf Qazıyev
Qazıyev Rauf Abdulla oğlu
Rauf Qazıyev.
Doğum tarixi	1937(1937-Şablondakı doğum və ya ölüm tarixində texniki yanlışlıq var!-00)
Doğum yeri	Bakı, Azərbaycan SSR, SSRİ
Elm sahəsi	texnika
Elmi adı	dosent
Təhsili	M.Əzizbəyov adına Azərbaycan Neft və Kimya İnstitutu, əvvəlcə neft-mədən fakültəsi, sonra isə istehsalat proseslərinin avtomatlaşdırılması fakültəsi, dağ mühəndisi–elektromexanik ixtisası (–1962)
Atası	Abdulla Qazıyev
Anası	Qönçə Qazıyeva

Rauf Qazıyev — texnika elmləri namizədi, dosent.

Haqqında məlumatlar

1937-ci ildə Bakıda anadan olub.

Təhsili

1955-ci ildə Bakı şəhər 6 №-li orta məktəbini,

1962-ci ildə Azərbaycan Neft və Kimya İnstitutunun istehsalat proseslərinin avtomatlaşdırılması fakültəsini,

1975-ci ildə Lensovet adına Leninqrad (indiki Sankt-Peterburq) Texnoloji İnstitutunun aspiranturasını bitirib.

Əmək fəaliyyəti

Təyinatla M.İ.Kalinin adına maşınqayırma zavoduna (Leninqrad, indiki indiki Sankt-Peterburq) işləməyə göndərilib.

1969 - 1974-cü illərdə Azərbaycan KP Bakı şəhər Nərimanov rayon partiya komitəsində sənaye şöbəsinin müdiri,

1975 – 1996-cı illərdə Ümumittifaq Elmi-Tədqiqat və Layihə-Texnoloji İnstitutunda bölmə, laboratoriya və şöbə müdiri vəzifələrində çalışıb.

1996-cı ildə müsabiqə yolu ilə Azərbaycan Dövlət Neft Akademiyasına (indiki Azərbaycan Dövlət Neft və Sənaye Universiteti) dosent vəzifəsinə seçilib.

Elmi fəaliyyəti

1975-ci ildə “Reaktoplastların emalı proseslərinin kompleks tədqiqatı” mövzusunda namizədlik dissertasiyasını müdafiə edib.

1990-cı ildən baş elmi işçi (dosent) elmi adını alıb.

İctimai-siyasi fəaliyyəti

1969 – 1974-cü illərdə Bakı şəhər Nərimanov rayon sovetinin deputatı olub.

Ailəsi

Atası: Abdulla Məmməd oğlu Qazıyev, 1942-ci ildə Böyük Vətən müharibəsində zabit kimi (baş politruk) iştirak etmiş və itkin düşmüşdür (sonralar on ildən artıq müddət ərzində Azərbaycan SSR Ali Sovetinin Rəyasət Heyətinin katibi olmuş Rəfiqə Qazıyevanın əmisi oğlu idi).

Anası: Qönçə Qazıyeva (1916–1992), Azərbaycan SSR əməkdar həkimi, tibb elmləri namizədi olub və uzun müddət 26 Bakı Komissarları adına Bakı şəhər 1-ci dəmiryol xəstəxanasının baş həkimi vəzifəsində çalışmışdır. İynəbatırma üsulunun Azərbaycanda işlənməsinin ilk təşəbbüskarlarından biri idi.

Ədəbiyyat

1. Məmmədov Ə., Xalıqov F. Qazıyev Rauf // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 314-315. — 1.000 nüsx.