Söhrab Arabov

Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur.
Şəki Ensiklopediyası səhifəsi
Söhrab Arabov
Arabov Söhrab Əfəndi oğlu
Söhrab Arabov
Söhrab Arabov, 2022-ci il.
Doğum tarixi 10 noyabr 1945 (1945-11-10) (78 yaş)
Doğum yeri Nuxa, Nuxa rayonu, Azərbaycan SSR, SSRİ
Vətəndaşlığı SSRİ Azərbaycan
Janrı teatr-rəssamlığı
Üslub avanqard
Uşaqları Arzu Məmmədnəbi-İnceer, Rüstəm, Rəvanə Qurbanova

Söhrab Arabov — tanınmış teatr rəssamı. Uzun müddət Sabit Rəhman adına Şəki Dövlət Dram Teatrında quruluşçu rəssam vəzifəsində çalışmışdır.

Haqqında ətraflı məlumat[Vizual redaktə | HTML redaktə]

10 noyabr 1945-ci il tarixdə Nuxada (indiki Şəki) anadan olub.

Təhsili[Vizual redaktə | HTML redaktə]

1965-ci ildə Nuxa şəhər 10 №-li orta məktəbini bitirib.

1971-ci ildə Əzim Əzimzadə adına Bakı Rəssamlıq Məktəbinə daxil olub; lakin 1973-cü ildə təhsilini yarımçıq buraxıb.

Əmək fəaliyyəti[Vizual redaktə | HTML redaktə]

1976 – 2015-ci illərdə Sabit Rəhman adına Şəki Dövlət Dram Teatrında quruluşçu rəssam işləyib.

Yaradıcılığı[Vizual redaktə | HTML redaktə]

1989-cu ildən Azərbaycan Rəssamlar İttifaqının üzvüdür.

Müxtəlif illərdə Azərbaycan Mədəniyyət Nazirliyi tərəfindən təşkil olunmuş sərgilərdə, həmçinin Moskvadakı “Mona Liza” (1995), İstanbuldakı “Bilim” (1997) qalereyalarının, Bakıdakı “Səttar Bəhlulzadə” qalereyasının (2008) və Muzey Mərkəzinin (2007, 2008) sərgilərində iştirak edib.

Əsərləri Azərbaycanın müxtəlif rəsm fondlarında, muzeylərdə, o cümlədən 60-dan çox əsəri ABŞ, Almaniya, Fransa, Norveç, Rusiya, Türkiyə və başqa ölkələrdə şəxsi kolleksiyalarda saxlanılır.

2002-ci ildə quruluşçu rəssamı olduğu teatr tamaşası “Qızıl Dərviş” mükafatına layiq görülüb.

2010-cu ilin 20 dekabr – 28 dekabr tarixləri arasında isə Bakıda – Azərbaycan Rəssamlar İttifaqının sərgi salonda, onun yaradıcılığına həsr olunmuş fərdi sərgisi təşkil edilib. Bu sərgidə Söhrab Arabovun avanqard üslubda, yağlı boya ilə kətan üzəridə işlədiyi 55 rəsm əsəri nümayiş etdirilib. Sərginin açılışında Mədəniyyət Nazirliyinin bir sıra rəsmiləri, bəzi xarici ölkə səfirliklərinin işçiləri, bir çox görkəmli mədəniyyət və incəsənət xadimləri, o cümlədən, Azərbaycan Rəssamlar İttifaqının sədri Fərhad Xəlilov, Azərbaycan Respublikasının xalq artisti, bəstəkar Xəyyam Mirzəzadə və digər şəxslər iştirak ediblər.

Ədəbiyyat[Vizual redaktə | HTML redaktə]

  1. Məmmədov A. Şəkili rəssam Söhrab Arabovun çəkdiyi rəsmlər dekabrın 20-dən 27-ə qədər Bakıda – Azərbaycan Rəssamlar İttifaqının sərgi salonda, nümayiş etdiriləcəkdir : [arx. 03.02.2018] : [azərb.] // İpəkçi. — Müraciət tarixi: 08.09.2021.
  2. Şəkili rəssam Söhrab Arabovun çəkdiyi rəsmlər dekabrın 20-dən 29-na qədər Bakıda – Azərbaycan Rəssamlar İttifaqının sərgi salonda, nümayiş etdirilmişdir (azərb.) // Aydın Məmmədov İpəkçi : qəzet. — Şəki: Azərbaycan, 2011. — В. 18 yanvar. — № 1 (2275). — Səh. 4. Arxivləşdirilib; arxivləşdirmə tarixi: 23 Mar 2019 - 08 Sep 2021.
  3. Rəhimli İ. Söhrab Arabov // Şəki teatrı. — Bakı: Qanun, 2016. — Səhifələrin sayı:  383. — Səh.: 375-377. — 500 nüsx. — ISBN 978-9952-36-230-5.