Səadət Əsgərzadə

Səadət Əsgərzadə
Əsgərzadə Səadət Məmmədəmin qızı
Səadət Əsgərzadə
Səadət Əsgərzadə.
Doğum tarixi	14 oktyabr 1949 (1949-10-14)
Doğum yeri	Bakı, Azərbaycan SSR, SSRİ
Vətəndaşlıq	SSRİ→ Azərbaycan
İş yeri	AMEA akademik Yusif Məmmədəliyev adına Neft-Kimya Prosesləri İnstitutu, neftin kompleks emalı və texniki-iqtisadi əsaslandırılması laboratoriyası (laboratoriya müdiri)
Elmi dərəcəsi	texnika elmləri doktoru
Təhsili	• M.Əzizbəyov adına Azərbaycan Neft və Kimya İnstitutu, kimya-texnologiya fakültəsi (1966–1971)  • Azərbaycan SSR EA Neft və Kimya Prosesləri İnstitutu, aspirantura (1971–1974)
Atası	Məmmədəmin Əsgərzadə
Mükafatları

Səadət Əsgərzadə — texnika elmləri doktoru, AMEA akademik Yusif Məmmədəliyev adına Neft-Kimya Prosesləri İnstitutunun neftin kompleks emalı və texniki-iqtisadi əsaslandırılması laboratoriyasının müdiri.

Haqqında məlumatlar

14 oktyabr 1949-cu il tarixdə Bakıda anadan olub.

Təhsili

1966-cı ildə Bakı şəhər 175 №-li orta məktəbini bitirib.

1966 – 1971-ci illərdə M.Əzizbəyov adına Azərbaycan Neft və Kimya İnstitutunun kimya-texnologiya fakültəsində,

1971 – 1974-cü illərdə Azərbaycan SSR EA Neft və Kimya Prosesləri İnstitutunun aspiranturasında təhsil alıb.

Elmi fəaliyyəti

1977-ci ildə “Katalitik krekinq benzinləri əsasında etilləşmiş yüksək oktanlı Aİ-93 benzinləri alınmasının kompleks sxemlərinin işlənib hazırlanması” mövzusunda namizədlik dissertasiyasını,

2006-cı ildə isə “Yüksək keyfiyyətli yanacaq və yağların istehsalını təmin edən Azərbaycanın Neft Emalı zavodlarında neftin səmərəli emal sxemləri” mövzusunda doktorluq dissertasiyasını müdafiə edib.

Çap olunmuş 87 elmi əsərin (13-ü xaricdə çap olunmaqla) müəllifidir.

Əmək fəaliyyəti

1971-ci ildən Azərbaycan SSR EA Neft və Kimya Prosesləri İnstitutunda/AMEA akademik Yusif Məmmədəliyev adına Neft-Kimya Prosesləri İnstitutunda işləyir; o cümlədən, bu institutda əvvəl texnik, sonra kiçik elmi işçi, daha sonra baş elmi işçi vəzifəsində çalışmış,

1993-cü ildən isə neftin kompleks emalı və texniki-iqtisadi tədqiqatlar laboratoriyasının müdiri olmuşdur.

Təltif və mükafatları

• SSRİ XTNS-nin “Bürünc” medalı (1985);
• “Əmək veteranı” medalı;
• AMEA Rəyasət Heyətinin fəxri fərmanı;
• “Tərəqqi” medalı – Azərbaycanda neft-kimya elminin inkişafındakı xidmətlərinə görə (2009).

Ədəbiyyat

1. Məmmədov Ə., Xalıqov F. Əsgərzadə Səadət // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 148 – 150. — 1.000 nüsx.
2. Neft-Kimya Prosesləri İnstitutunun elmlər doktorları/Əsgərzadə Səadət Məmməd Əmin qızı : [arx. 17.07.2021] : [azərb.] // Azərbaycan Milli Elmlər Akademiyası. — Müraciət tarixi: 17.07.2021.
3. Azərbaycan Milli Elmlər Akademiyasının Yusif Məmmədəliyev adına Neft-Kimya Prosesləri İnstitutunun əməkdaşlarının “Tərəqqi” medalı ilə təltif edilməsi haqqında Azərbaycan Respublikası Prezidentinin Sərəncamı : [arx. 24.09.2019] : [azərb.] // Azərbaycan Respublikasının Ədliyyə Nazirliyi Hüquqi aktların vahid elektron bazası. — 2009. — 30 sentyabr. — Müraciət tarixi: 17.07.2021.