Səbinə Hacıyeva
Azərbaycan Respublikası Memarlar İttifaqının Elm və təhsil üzrə komissiyasının sədri Hacıyeva Səbinə Xalid qızı. 2000 – 2007-ci illərdə “Bərpa və Muzeyləşdirmə” layihələrinin müəlliflərindən biri
Haqqında məlumatlar
1971-ci ildə Bakıda anadan olub.
1994-cü ildə Azərbaycan Mühəndis İnşaat institutunu bitirib.
1994 – 2003-cü illərdə Azərbaycan Memarlıq və İnşaat Universitetinin landşaft memarlığı kafedrasında müəllim,
2000 – 2015-ci illərdə abidələrin bərpası və mühafizəsi laboratoriyasında müdir işləyib.
2015-ci ildən Azərbaycan Memarlıq və İnşaat Universitetinin memarlıq konstruksiyaları və abidələrin bərpası kafedrasının müdiridir.
Şəki rayonunun Kiş kəndindəki kilsə tikilisinin bərpası və muzeyləşdirilməsinə həsr edilmiş Azərbaycan – Norveç “KİŞ” layihəsində; Qəbələ rayonunun Nic kəndindəki kilsənin bərpasına həsr edilmiş Azərbaycan – Norveç “NİC” layihəsində; Qax rayonunun Qum kəndindəki kilsənin konservasiyasına həsr edilmiş Azərbaycan – ABŞ “Qum” layihərində iştirak edib.
1999-cu ildən Azərbaycan Memarlar İttifaqının üzvüdür.
2012-ci ildə Azərbaycan Memarlar İttifaqının İdarə Heyətinin üzvü seçilmişdir.
2015-ci ildə Beynəlxalq Memarlıq Akademiyasının Moskva bölməsinin professoru,
2016-ci ildə Bakı Akademik Mərkəzinin elmi katibi seçilib.
Azərbaycan memarlığının inkişafında xidmətlərinə görə Azərbaycan Respublikası Prezidentinin 25 noyabr 2016-cı il tarixli Sərəncamı ilə "Tərəqqi" medalı ilə təltif edilmişdir. 100-dən çox elmi əsərin, o cümlədən 2 monoqrafiyanın müəllifi, 4 kitabın həmmüəllifidır.