Sədayə Mustafayeva

Sədayə Mustafayeva
Mustafayeva Sədayə İsmayıl qızı
Sədayə Mustafayeva
Doğum tarixi	15 iyul 1926(1926-07-15)
Doğum yeri	Nuxa, Şəki qəzası, Azərbaycan SSR, SSRİ
Vəfat tarixi	13 avqust 2004 (78 yaşında)
Vəfat yeri	Gəncə, Azərbaycan
Həyat yoldaşı	Məmməd Bürcəliyev
Uşağı	Anar Bürcəliyev
Peşəsi	aktrisa
Mükafatları
IMDb	ID 3081431

Sədayə Mustafayeva — teatr və kino aktrisası, Azərbaycanın SSR-in xalq artisti. Əvvəl Nuxa Dövlət Dram Teatrında, sonra Ağdaş, Göyçay teatrlarında və nəhayət, 1950-ci ilin mart ayından etibarən isə Kirovabad Dövlət Dram Teatrında aktrisa kimi fəaliyyət göstərib. Həmçinin, 20-dən artıq filmə çəkilmişdir.

Haqqında məlumatlar

15 iyul 1926-cı il tarixdə Nuxa şəhərində anadan olub.

5 illik orta təhsilini bitirdikdən sonra Nuxa İpək kombinatında fəhlə işləyib.

Sonra Nuxa Dövlət Dram Teatrında, Ağdaş, Göyçay teatrlarında, 1950-ci ilin mart ayından isə Kirovabad Dövlət Dram Teatrında aktrisa kimi fəaliyyət göstərib. Sonuncu teatrın səhnəsində 400-dən artıq rol oynayıb.

Həmçinin, Azərbaycanfilmin istehsalı olan 20-dən artıq filmə çəkilib.

Vəfatı

13 avqust 2004-cü il tarixdə Gəncə şəhərində vəfat edib.

Ailəsi

• Xalq artisti Məmməd Bürcəliyevin həyat yoldaşıdır.
• Teatrşünas-tənqidçi Anar Bürcəliyevin.

Təltif və mükafatları

• Azərbaycan SSR əməkdar artisti (1958).
• Azərbaycan SSR xalq artisti — 1981
• Azərbaycan Respublikası Prezidentinin Fərdi təqaüdü (2003).

Filmoqrafiya

• Biri vardı, biri yoxdu... (film, 1967) (Qadın - S.Mustafayeva).
• Qanun naminə (film, 1968) (Xatun - S.Mustafayeva, səsləndirir - Ətayə Əliyeva).
• Mən ki gözəl deyildim (film, 1968) (Gözəl - S.Mustafayeva, səsləndirir - Ətayə Əliyeva).
• Şərikli çörək (film, 1969), (Şamama - S.Mustafayeva, səsləndirir - Ofelya Sənani).
• Gün keçdi (film, 1971), (Əsmərin anası - S. Mustafayeva, səsləndirir - Ətayə Əliyeva).
• Qızıl qaz (film, 1972), (Şəfiqənin anası - S.Mustafayeva, səsləndirir - Əminə Yusifqızı).
• Var olun, qızlar... (film, 1972), (Rüstəmin anası - S. Mustafayeva).
• Firəngiz (film, 1975), (Məsmə - S.Mustafayeva).
• Ad günü (film, 1977)(tammetrajlı bədii film)- rol: Əlinin anası.
• Qayınana (film, 1978), (Mülayim - S.Mustafayeva, səsləndirir - Süsən Məçidova).
• Gümüşü furqon (film, 1982), (Mədinənin anası - S.Mustafayeva).
• İlıq dənizdə buz parçası (film, 1983), (Təqaüdçünün anası - S.Mustafayeva).
• Cin mikrorayonda (film, 1985), (ana - S.Mustafayeva).
• İşarəni dənizdən gözləyin (film, 1986), (Komandanın anası - S.Mustafayeva, səsləndirir - Məhluqə Sadıqova).
• Şəhərli biçinçilər (film, 1986), (Humay - S.Mustafayeva).
• Ölsəm... bağışla (film, 1989), (Yusifin anası - S.Mustafayeva, səsləndirir - Zərnigar Atakişiyeva).
• Ağ atlı oğlan (tammetrajlı bədii film, 1995) - rol: Mirvari nənə.
• Həm ziyarət, həm ticarət... (film, 1995), (Suğra xala - S.Mustafayeva, səsləndirir - Zərnigar Atakişiyeva).
• Dağıdılmış körpülər (film, 1996) (Əsmər - S.Mustafayeva).
• Acılar bitməz (tammetrajlı bədii film, 2009)- rol: Orxanın nənəsi.

Ədəbiyyat

1. Məmmədov Ə., Xalıqov F. Mustafayeva Sədayə // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 437 – 438. — 1.000 nüsx.