Sərdar Babayev

Sərdar Babayev
Babayev Sərdar Səttar oğlu
Sərdar Babayev.
Doğum tarixi	3 noyabr 1945(1945-11-03)
Doğum yeri	Nuxa (indiki Şəki), Azərbaycan SSR, SSRİ
Vəfat tarixi	16 may 2022 (76 yaşında)
Vətəndaşlıq	SSRİ→ Azərbaycan
Elmi dərəcəsi	elmlər namizədi
Təhsili	• S.M.Kirov adına Azərbaycan Dövlət Universiteti, fizika fakültəsi (1964–1970)  • Azərbaycan SSR EA Fizika İnstitutu, aspirantura (1975–1978)

Sərdar Babayev (1945–2022) — fizika-riyaziyyat elmləri namizədi. 2022-ci ilin əvvəllərinədək Azərbaycan Milli Elmlər Akademiyası Fizika İnstitutunda aparıcı elmi işçi vəzifəsində çalışmışdır.

Haqqında məlumatlar

3 noyabr 1945-ci il tarixdə Nuxada (indiki Şəki), qulluqçu ailəsində anadan olub.

Təhsili

1964-cü ildə Nuxa şəhər 3 №-li orta məktəbini bitirib.

1964 – 1970-ci ildə S.M.Kirov adına Azərbaycan Dövlət Universitetinin fizika fakültəsində,

1975 – 1978-ci illərdə Azərbaycan SSR EA Fizika İnstitutunun aspiranturasında təhsil alıb.

Elmi fəaliyyəti

1981-ci ildə Azərbaycan SSR Fizika İnstitutunun Yarımkeçiricilər və dielektriklər fizikası elmi şurasında “A³B⁶ tipli yarımkeçirici kristalların rəqsi spektrlərinin xüsusiyyətləri” mövzusunda namizədlik dissertasiyasını müdafiə edib.

42-si xaricdə, 22-si beynəlxalq bazalarda referatlaşdırılan və indeksləşdirilən jurnallarda olmaqla çapdan çıxmış 86 elmi əsərin müəllifidir.

Əmək fəaliyyəti

1970-ci ildə Azərbaycan SSR EA Fizika İnstitutunda baş laborant,

1984-cü ildən baş elmi işçi vəzifəsində çalışb.

1985 – 1986-cı illərdə Moskvada P.N.Lebedev adına SSRİ EA Fizika İnstitutunda işləyib.

1994 – 1996-cı illərdə isə AMEA Fizika İnstitutunun nümayəndəsi kimi Ankara Orta Doğu Texniki Universitetində Lazer Spektroskopiyası laboratoriyasının yaradılmasında iştirak edib.

1 fevral 2022-ci il tarixədək AMEA Fizika İnstitutunda aparıcı elmi işçi vəzifəsində çalışıb və həmin tarixdən öz ərizəsi ilə işdən azad edilib.

Vəfatı

16 may 2022-ci il tarixdə – 76 yaşında, Bakıda vəfat edib.

Ədəbiyyat

1. Məmmədov Ə., Xalıqov F. Babayev Sərdar // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 53-54. — 600 nüsx. — ISBN 5-8066-1708-4.
2. Fizika İnstitutunun fəlsəfə doktorları : Babayev Sərdar Səttar oğlu : [arx. 23.10.2021] // Azərbaycan Milli Elmlər Akademiyası. — Müraciət tarixi: 23.10.2021.