Səyyad İbrahimov

Səyyad İbrahimov
Səyyad Cabbar oğlu İbrahimov
Səyyad İbrahimov
Doğum tarixi	27 avqust 1936(1936-08-27)
Doğum yeri	Şəki, Azərbaycan SSR
Vəfat tarixi	17 dekabr 2016 (80 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Elm sahəsi	neft, qaz
İş yeri	Azərbaycan Respublikası Dövlət Neft Şirkəti
Elmi dərəcəsi	texnika elmləri namizədi
Mükafatları

Səyyad Cabbar oğlu İbrahimov ) — azərbaycanlı neftçi-alim, Azərbaycan neft sənayesinin nümayəndəsi, Azərbaycan Respublikası Dövlət Neft Şirkətinin I vitse-prezidenti (1994–1997)., Azərbaycan SSR əməkdar mühəndisi (1991). Səyyad İbrahimov texnika elmləri namizədi alimlik dərəcəsini almış (1992), 20 elmi məqalənin və 17 ixtiranın müəllifi (istehsalat proseslərinin təkmilləşdirilməsi və səmərələşdirilməsi) olmuşdur.

Haqqında məlumatlar

27 avqust 1936-cı il tarixdə Nuxada, ziyalı ailəsində anadan olub.

Təhsili

1944 – 1954-cü illərdə Nuxa şəhər 10 №-li orta məktəbində,

1954 – 1959-cu illərdə M.Əzizbəyov adına Azərbaycan Sənaye İnstitutunda təhsil alıb.

Əmək fəaliyyəti

1959-cu ildə təyinatla “Gürsəngineft” neft mədənləri idarəsinə (Neft Daşları Neft və Qazçıxarma İdarəsi) göndərilib;

1959 – 1972-ci illərdə həmin idarədə çilingər, mexanik, böyük mexanik, meft-qazçıxarma ustası, mədənin böyük mühəndisi, mədən müdirinin müavini vəzifələrində çalışıb.

1972 – 1979-cu illərdə rayon mühəndis-texnoloji xidmətinin rəisi, İstehsal Xidmət Bazasının rəisi, baş mühəndisi,

1979 – 1980-ci illərdə Neft Daşları Neft Qaz Çıxarma İdarəsinin baş mühəndisi,

1980 – 1991-ci illərdə Neft Daşları Neft və Qazçıxarma İdarəsinin,

1992 – 1994-cü illərdə “28 Aprel” (Günəşli yatağı) Neft-Qazçıxarma İdarəsinin rəisi olub.

29 yanvar 1994-cü il tarixdə Azərbaycan Respublikası Dövlət Neft Şirkətinin əsaslı tikinti üzrə vitse-prezidenti vəzifəsinə təyin edilib.

Elmi fəaliyyəti

Səyyad İbrahimov 20 elmi məqalənin və 17 ixtiranın müəllifidir.

Digər

1991-ci ildə çəkilən “Qara daşların sakinləri” adlı sənədli qısametrajlı filmində məsləhətçi qismində çıxış edib.

Xatirəsi

Azərbaycanın Xalq şairi Fikrət Qocanın Səyyad İbrahimova ünvanladığı şeirdən bir parça;

Sən də indi dənizdəsən, Səyyad Başının üstündə mavi səma Ayağının altında mavi səma Bir də gecənin qaranlığında Buruqlara uzanan polad dəhliz Xəyalında sahil Sahilindəki mənzil, Mənzilindəki körpə gözləri, Mayaklar kimi baxır dənizə- Səni gözləyir.

Təltif və mkafatları

• “Şərəf Nişanı” ordeni.
• Vladimir İliç Leninin anadan olmasının 100 illiyi ilə əlaqədar yubiley medalı (1970).
• Azərbaycan SSR Ali Sovetinin Fəxri fərmanı.
• “SSRİ neft sənayesi əlaçısı” döş nişanı
• “Azərbaycan SSR əməkdar mühəndisi” fəxri adı (1991).
• Azərbaycan Respublikası Prezidentinin fərdi təqaüdü – “Neft Daşları”nın 60 illik yubileyi ilə əlaqədar yatağın işlənilməsində xidmətlərinə görə (2009).

Xeyriyyəçilik fəaliyyəti

SSRİ-nin dağılma ərəfəsində Qarabağda ermənilərin separatizm və işğalçılıq üzrə planları baş qaldırırdı. Yaranmış vəziyyətlə bağlı Neft Daşları Qarabağın Cəmilli kəndini himayəyə götürmüşdü. Səyyad İbrahimovun səyləri nəticəsində kəndin uçmaqda olan məktəbi təmir olundu və bir sıra şəxslər işə qəbul olundu. O, kəndə su çəkilişini təmin etdi. Özü dəfələrlə kəndə baş çəkmişdi. Kənd camaatı kəndə çəkilən bulağın adını "Səyyad bulağı" adlandırmışdır.

S.İbrahimov Şəki rayonu Baş Layısqı kəndində məscidin tikilişinə nail olmuşdur. Məscid Şeyx Nurullah Əfəndi ziyarətinin həyətində tikilib. Şeyx Nurulla Əfəndi Səyyad İbrahimovun ulu babası olub. Bura ziyarətə yaxın kəndlərdən insanların gəldiyini görən Səyyad İbrahimov burada bünövrəsi qalan, lakin Sovetlər dövründə Qızıl Ordu tərəfindən sökülən məscidin yenidən tikilməsinə qərar verir və qısa zamanda onun səyləri nəticəsində məscid yenidən tikilir.

===Elmi fəaliyyəti 1992-ci ildə namizədlik dissertasiyasını müdafiə etmiş və texnika elmləri namizədi alimlik dərəcəsini almışdır. İxtiralara görə 9 müəlliflik şəhadətnaməsi alıb. Bunlara misal olaraq "Quraşdırma klapanları", "Qazlift qaldırmaları olan quyularda buraxıcı klapanların hansı dərinlikdə qoyulmasını təyin edən üsul" və digər ixtiraları göstərmək olar.

Ədəbiyyat

• Məmmədov Ə., Xalıqov F. İbrahimov Səyyad // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 269 – 271. — 1.000 nüsx.
• Haciyev, Vahid (1999). Tufanlardan keçən ömür. Bakı: Ağrıdağ.
• Bayramov, Bayram (2007). Neft Daşları - tufanlar qoynunda həyat. Bakı: Təhsil. 252.