Saat Əzizov

Saat Əzizov
	Əzizov Saat Məcid oğlu
	Saat Əzizov.
Doğum tarixi	15 may 1929
Doğum yeri	Böyük Dəhnə, Zaqatala-Şəki mahalı, Azərbaycan SSR, ZSFSR, SSRİ
Vəfat tarixi	9 may 2000 (70 yaşında)
Vəfat yeri	Şəki, Azərbaycan
Vətəndaşlıq	SSRİ→ Azərbaycan
Təhsili	• S.M.Kirov adına Azərbaycan Dövlət universiteti, jurnalistika fakültəsi (1950–1955) • Bakı Ali Partiya Məktəbi (1971–1973)

Saat Əzizov(1929–2000) — Azərbaycan sovet partiya-dövlət məmuru və rəhbər kadrı. Nuxa/Şəki şəhər soveti sədrinin müavini, Şəki şəhər mədəniyyət şöbəsinin direktoru, Cəfərabad Kənd Təsərrüfatı Peşə Məktəbinin direktoru və s. məsul vəzifələrdə çalışmışdır.

Haqqında məlumatlar

15 may 1929-cu ildə Zaqatala-Şəki mahalının Böyük Dəhnə kəndində anadan olub.

Təhsili

1946-cı ildə Böyük Dəhnə kənd orta məktəbini bitirib.

1950 – 1955-ci illərdə S.M.Kirov adına Azərbaycan Dövlət Universitetinin jurnalistika fakültəsində,

1971 – 1973-cü illərdə isə Bakı Ali Partiya Məktəbində təhsil alıb.

Əmək fəaliyyəti

1955 – 1957-ci illərdə “Nuxa fəhləsi” qəzetinin redaksiyasında fotoqraf,

1957 – 1958-ci illərdə Nuxa rayon komsomol komitəsinin birinci katibi,

1958 – 1970-ci illərdə Nuxa/Şəki şəhər soveti sədrinin müavini,

1972 – 1976-cı illərdə Nuxa Rayon İstehlak Cəmiyyətinin sədri,

1976 – 1983-cü illərdə əvvəl bir neçə ay Şəki şəhər mədəniyyət şöbəsində inspektor, sonra isə Şəki şəhər mədəniyyət şöbəsinin direktoru,

1983 – 1998-ci illərdə Cəfərabad Kənd Təsərrüfatı Peşə məktəbinin direktoru vəzifəsində çalışıb.

1998-ci ildə əmək təqaüdünə çıxıb.

İctimai-siyasi fəaliyyətri

Dəfələrlə və ardıcıl olaraq Nuxa/Şəki rayon və şəhər xalq deputatları sovetlərinin deputatı seçilib.

Vəfatı

9 may 2000-ci il tarixdə – 70 yaşında, Şəkidə vəfat edib.

Ailəsi=

İki qız və iki oğul atasıdır.

Həmçinin, bax:

Nuxa Rayon Sovetinə seçilmiş deputatların siyahısı (1957-ci il)