Sabir Məmmədov

Sabir Məmmədov
Sabir Niyaz oğlu Məmmədov (rus.: Сабир Ниязович Мамедов )
Sabir Məmmədov
Doğum tarixi	6 dekabr 1968 (1968-12-06)
Doğum yeri	SSRİ Azərbaycan SSR, Nuxa
Vətəndaşlıq	SSRİ→ Rusiya
İş yeri	Vladimir Dövlət Universiteti Hüquq İnstitutunun «Dövlət hüquqları və gömrük işləri» (rus.: «Государственного права и управления таможенным делом») kafedrasının müdiri.
Elmi dərəcəsi	Hüquq elmləri namizədi (2007)
Təhsili	Vladimir Politexnik institutu (1990 – 1994); Vladimir Dövlət Universiteti, hüquq fakültəsi (1998 – 2001) Rusiya Federasiyası Prezidenti yanında Rusiya Dövlət Xidməti Akademiyası, dövlət və bələdiyyə idarəçiliyi ixtisası (2010 – 2013)

Sabir Məmmədov – azərbaycanlı Rusiya alimi, hüquq elmləri namizədi, Vladimir Dövlət Universiteti Hüquq İnstitutunun «Dövlət hüquqları və gömrük işləri» (rus.: «Государственного права и управления таможенным делом») kafedrasının müdiri.

Haqqında məlumatlar

6 dekabr 1968-ci il tarixdə Nuxada, fəhlə ailəsində anadan olub.

Təhsili

1976 – 1986-cı illərdə Şəki şəhər 19 №-li orta məktəbdə oxuyub.

1976-cı ildə Bakı Energetika Texnikumuna qəbul olunsa da hərbi xidmətdən sonra burada təhsilini davam etdirməyib.

1989-cu ildə Vladimir Politexnik institutun hazırlıq kursuna daxil olub.

1990 – 1994-cü illərdə Vladimir Politexnik institutunda,

1998 – 2002-ci illərdə Vladimir Dövlət Universitetinin hüquq fakültəsində,

2010 – 2013-cü illərdə isə Rusiya Federasiyası Prezidenti yanında Rusiya Dövlət Xidməti Akademiyasında, dövlət və bələdiyyə idarəçiliyi ixtisası üzrə təhsil alıb.

Elmi fəaliyyəti

2007-ci ildə Moskvada namizədlik dissertasiyasını müdafiə edib.

Səkkiz monoqrafiyanın və bir çox məqalələrin müəllifi, yaxud həmmüəllifidir.

Elmi-ictimai aktivliyi

Rusiya Təbii Elmlər Akademiyasının (rus.: «Российской Академии Естествознания») müxbir üzvü və professorudur.

Beynəlxalq Təbii Elmlər Akademiyasının, Rusiya Kriminoloji Assosiasiyasının,

Rusiya Hüquqşünaslar Assosiasiyasının və Rusiya Azad-İqtisadi Cəmiyyətinin üzvüdür.

İstifadə edilmiş mənbələr

• Sadıq Fətəliyev (19 Ağu 2015). "Anasının arzusu ilə professor olan həmyerlimiz (müsahibə)". https://sites.google.com/site/sekibelediyyesi/ (azərb.). Ş“əki bələdiyyəsi” qəzeti. 3 Nov 2020 tarixində arxivləşdirilib.
• Murad Nəbibəyov "Şəki Bələdiyyəsi" qəzeti/Anasının arzusu ilə professor olan həmyerlimiz (müsahibə).
• Энциклопедия "Известные ученые"/Мамедов Сабир Ниязович.