Sabit Rəhman

Sabit Rəhman
Mahmudov Sabit Kərim oğlu
Sabit Rəhman
Doğum tarixi	26 mart 1910(1910-03-26)
Doğum yeri	Nuxa, Nuxa qəzsı, Yelizavetpol quberniyası, Rusiya İmperiyası
Vəfatı	23 sentyabr 1970 (60 yaşında)
Vəfat yeri	Bakı, Azərbaycan SSR, SSRİ
Vətəndaşlığı	Rusiya İmperiyası→ SSRİ
Mükafatları

Sabit Rəhman (Mahmudov Sabit Kərim oğlu; d.  26 mart 1910-cu ildə, Nuxa, Nuxa qəzası, Yelisavetpol quberniyası, Rusiya İmperiyası — ö.  23 sentyabr 1970-ci ildə, Bakı, Azərbaycan SSR, SSRİ) — yazıçı, dramaturq, Azərbaycanın SSR əməkdar incəsənət xadimi.

Haqqında məlumatlar

Poçt markası (2000).

26 mart 1910-cu il tarixdə Nuxada anadan olub.

Yaradıcılığı

1926 – 1927-ci illərdə “Molla Nəsrəddin” jurnalında dərc etdiyi felyetonlarla ədəbi yaradıcılığa başlayıb.

1931-ci ildə “Pozğun” adlı ilk hekayələr məcmuəsi çap olunub.

Sabit Rəhman Azərbaycan komediyasının banilərindəndir. O, dünyaca məşhur "Arşın mal alan" və "O olmasın, bu olsun", "Koroğlu", "Əhməd haradadır?" filmlərinin, Ulduz musiqili komediyasının ssenarilərinin, Yeddi gözəl baletinin librettosunun müəllifidir.

1943-cü ildə Azərbaycan SSR əməkdar incəsənət xadimi adına layiq görülmüş, iki dəfə Qırmızı Əmək Bayrağı ordeni və medalları ilə təltif olunmuşdur. Şəki dram teatrı S.Rəhmanın adını daşıyır. Bakı və Şəki şəhərlərində onun adına küçə vardır.

Sabit Rəhman 1970-ci ildə Bakıda vəfat etmişdir.

• Bəstəkar Emin Sabitoğlunun atasıdır.
• Musiqişünas Ceyran Mahmudovanın babasıdır.

Əsərləri

• Hekayələri:

"Şirin bülbül", "Qudurğan", "Mir Qasımın macəraları", "Kölgələr", "Mirzəkələntər", "Xəyal plov", "Nikolay taxtdan düşdü", "Qohumlar".

• Povestləri:

"Vəfasız", "Son faciə".

• Pyesləri:

"Toy", "Xoşbəxtlər", "Aşnalar", "Aydınlıq", "Əliqulu evlənir", "Yalan" və s.

• Romanı:

"Nina".

Kitabları

Sabit Rəhmanın xatirə lövhəsi (Bakı)

1. Pozğun (hekayələr). Bakı: 1931
2. Şirin bülbül (hekayələr). Bakı: 1933
3. Vəfasız (povest). Bakı: 1933
4. Xəyalplov. Bakı: 1938
5. Son faciə (povest). Bakı: 1939
6. Hüseyn Ərəblinski (povest). Bakı: 1948
7. Hədiyyə.Bakı: 1949

Filmoqrafiya

1. Arşın mal alan (film, 1945) - (ssenari müəllifi)
2. O olmasın, bu olsun (film, 1956) - (ssenari müəllifi)
3. Koroğlu (film, 1960) - (ssenari müəllifi)
4. Əhməd haradadır? (film, 1963) - (ssenari müəllifi)
5. Ulduz (film, 1964) - (libretto müəllifi)
6. Hicran (teatr tamaşası, 1983) - (ssenari müəllifi)
7. Şirin bülbül (film, 2000) - (əsərin müəllifi)
8. Gülüş fenomeni. Sabit Rəhman (film, 2014)

Mənbə

• Şəmsəddin Abbasov. “Sovet Azərbaycanının kinosu” //Kommunist.- 1958.- 29 avqust.
• Xamis Muradov. Kinofabrikdən başlanan yol. Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 4.
• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 106.

Xarici keçidlər

• S.Rəhman adına Şəki Dövlət Dram Teatrı