Sahib Əliyev

Sahib Əliyev
Əliyev Sahib Məmməd oğlu
Sahib Əliyev, 2009-cu il.
Doğum tarixi	16 mart 1962 (1962-03-16)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
Təhsili	Çingiz İldırım adına Azərbaycan Politexnik İnstitutu (1979 – 1984)
Hərbi fəaliyyəti
Xidmət illəri	1992 – 2015
Rütbə	polkovnik-leytenant
İstefada	2015
Təltifləri

Sahib Əliyev — Azərbaycan Silahlı Qüvvələrinin istefada olan polkovnik-leytenantı, müharibə və Azərbaycan Respublikası Silahlı Qüvvələrinin veteranı.

Haqqında məlumatlar

16 mart 1962-ci il tarixdə Nuxada (indiki Şəki) anadan olub.

Təhsili

1969 – 1979-cu illərdə Şəki şəhər M.Qorki adına 10 №-li orta məktəbində,

1979 – 1984-cü illərdə Çingiz İldırım adına Azərbaycan Politexnik İnstitutunda təhsil alıb.

Əmək və hərbçi fəaliyyəti

1984 – 1986-ci illərdə təyinatla Xəzərdənizneft Xüsusi texniki vasitəli dəniz kəşfiyyat qazma idarəsinin “Şelf-2” qazma qurğusunda əvvəlcə mexanik, sonra böyük mexanik vəzifəsində işləyib.

1986 – 1988-ci illərdə Sovet Ordusunun Orta Asiya Hərbi Dairəsində hərbi xidmətdə olub; hərbi xidmətdən baş leytenant rütbəsi ilə tərxis olunub.

1988 – 1992-ci illərdə OADKYC (DOSAAF) 2 saylı Bakı Birləşmiş Texniki məktəbində işləyib.

1992-ci ildə Azərbaycan Respublikasının Müdafiə Nazirliyinə müraciət edərək hərbi xidmətə keçmək istəyini bildirib. Onun müraciəti müsbət qarşılanmış və Müdafiə Nazirliyinin Tank və Zirehli Texnika Xidmətinin baş zabiti vəzifəsinə götürülüb; ardınca, Ağdam, Qubadlı, Zəngilan, Ağdərə, Füzuli, Cəbrayıl rayonlarında baş vermiş döyüşlərdə tankçı zabit kimi iştirak edib.

2015-ci ildə Azərbaycan Respublikasının Silahlı Qüvvələrindən tərxis olunsa da, əmək fəaliyyətini mülki mütəxəssis kimi Azərbaycan Respublikasının Müdafiə Nazirliyində davam etdirir.

Təltif və mükafatları

1. “SSRİ Silahlı Qüvvələrinin 70 illiyi” yubiley medalı – 23.02.1988;
2. “Azərbaycan Respublikası Silahlı Qüvvələrinin 10 illiyi (1991–2001)” yubiley medalı – 26.06.2003;
3. III dərəcəli “Qüsursuz xidmətə görə” medalı – 26.06.2003;
4. II dərəcəli "Qüsursuz xidmətə görə" medalı – 26.06.2008;
5. “Azərbaycan Respublikası Silahlı Qüvvələrinin 90 illiyi (1918-2008)” yubiley medalı – 19.07.2008;
6. “Azərbaycan Silahlı Qüvvələrinin 95 illiyi (1918-2013)” yubiley medalı – 24.06.2013;
7. I dərəcəli “Qüsursuz xidmətə görə” medalı – 24.06.2013;
8. III dərəcəli “Hərbi xidmətdə fərqlənməyə görə” medalı – 24.06.2014;
9. “Azərbaycan Ordusunun 100 illiyi (1918-2018)” yubiley medalı – 26.06.2018.

Ailəsi

Ailəlidir, iki oğlu var.