Seymur Qasımzadə

Seymur Qasımzadə
Qasımzadə Seymur Allahyar oğlu
Seymur Qasımzadə.
Şəxsi məlumatlar
Doğum tarixi	12 fevral 1962 (1962-02-12)
Doğum yeri	Nuxa (indiki Şəki), Azərbaycan SSR, SSRİ
Təhsili	S.M.Kirov adına Azərbaycan Dövlət Universiteti, tətbiqi riyaziyyat fakültəsi (1979–1984)

Seymur Qasımzadə — Şəki şəhərində fəaliyyət göstərən “Foto Seymur” studiyasının sahibi. Məharətli vokal ifa etmək bacarığına da malikdir və bir neçə beynəlxalq musiqi festivalının iştirakçısıdır.

Haqqında məlumatlar

12 fevral 1962-ci il tarixdə Nuxada (indiki Şəki) anadan olub.

Təhsili

1969 – 1979-cu illərdə Şəki şəhər 8 №-li rus orta məktəbində,

1979 – 1984-cü illərdə S.M.Kirov adına Azərbaycan Dövlət Universitetinin tətbiqi riyaziyyat fakültəsində təhsil alıb.

Əmək fəaliyyəti

1984-cü ildən təyinat üzrə “HORD” Elmi-Tədqiqat İnstitutunda riyaziyyatçı-proqramçı,

1992 – 1994-cü illərdə Şəki şəhər fizika və riyaziyyat təmayüllü liseyində informatika müəllimi,

1993 – 2006-cı illərdə isə Şəki seysmoloji rəsədxanasında mühəndis vəzifəsində çalışıb.

1996-cı ildə Şəki şəhərində “Foto Seymur” adı fotostudiya açıb və sahibkarlıq fəaliyyəti ilə də məşğul olmağa başlayıb.

Musiqi fəaliyyəti

2000 – 2001-ci illərdə “Zirvə” ansamblının üzvü olub.

Qastrollarda

1996-cı ildə Türkiyənin Bursa şəhərində keçirilmiş Beynəlxalq Mahnı və Rəqs festivalında, müxtəlif illərdə keçirilmiş “İpək yolu” beynəlxalq musiqi festivallarında,

2015-ci ildə Bakıda keçirilən Şəki günlərində vokal ifa etmək bacarığını nümayiş etdirib.

Təltif və mükafatları

2007-ci ilin yekunlarına görə Şəki şəhər İcra Hakimiyyətinin “İlin paparatsisi” diplomu ilə təltif edilib.

Ailəsi

Evlidir. 2 övladı var.

Ədəbiyyat

1. Heydər Əliyevin siyasi fəaliyyəti Azərbaycan xalqının tarixinə qızıl hərflərlə yazıldı // “Babadağ” qəzeti : qəzet. — Bakı: Azərbaycan, ≈2002. — № 46–47 (52–53). — Səh. 15.
2. Jurnalın qonağı : Şəki — doğma diyar : [arx. 18.02.2022] // Azərbaycan dünyası. — 2009. — 11 avqust. — Müraciət tarixi: 18.02.2022.