Təhminə Rüstəmova

Təhminə Rüstəmova (1926–2021) — Azərbaycan Respublikasının əməkdar müəllimi, filologiya elmləri doktoru, Bakı Dövlət Universitetinin şərqşünaslıq fakültəsinin İran filologiyası kafedrasının professoru.

Təhminə Rüstəmova
Rüstəmova Təhminə Zəkəriyyə qızı
Təhminə Rüstəmova
Təhminə Rüstəmova.
Doğum tarixi 24 avqust 1926(1926-08-24)
Doğum yeri Nuxa (indiki Şəki), Şəki qəzası , Azərbaycan SSR, ZSFSR, SSRİ
Vəfat tarixi 6 avqust 2021 (94 yaşında)
Elm sahəsi filologiya, fars dili
Elmi dərəcəsi filologiya elmləri doktoru
Elmi adı professor
Təhsili

 • S.M.Kirov adına Azərbaycan Dövlət Universiteti, şərqşünaslıq fakültəsi, fars filologiyası şöbəsi (1944–1949)

 • S.M.Kirov adına Azərbaycan Dövlət Universiteti, şərqşünaslıq fakültəsi, aspirantura, fars dilçiliyi ixtisası (1949–)
Mükafatları "Azərbaycan Respublikasının əməkdar müəllimi" fəxri adı
"Tərəqqi" medalı

Haqqında məlumatlar Redaktə

24 avqust 1926-cı il tarixdə Nuxada (indiki Şəki) anadan olub.

Təhsili Redaktə

1944-cü ildə Nuxa şəhər 7 №-li orta məktəbini bitirib.

1944 – 1949-cu illərdə S.M.Kirov adına Azərbaycan Dövlət Universitetinin şərqşünaslıq fakültəsinin fars filologiyası şöbəsində təhsil alıb.

1949-cu ildən S.M.Kirov adına Azərbaycan Dövlət Universitetinin şərqşünaslıq fakültəsinin aspiranturasında fars dilçiliyi ixtisası üzrə təhsilini davam etdirib.

Elmi fəaliyyəti Redaktə

1954-cü ildə “Müasir fars ədəbi dilində feli sifət və feli bağlamalarının morfoloji xüsusiyyətləri” mövzusunda namizədlik dissertasiyasını müdafiə edib.

1964-cü il dosent elmi adını alıb.

1990-cı ildə isə “Feli sifət və feli sifət tərkiblərinin qarşılıqlı-tipoloji planda leksik-qrammatik xüsusiyyətləri problemi (fars və azərbaycan dilləri materialları əsasında)” mövzusunda doktorluq dissertasiyasını müdafiə edib.

160-dan çox, əsasən fars dilçiliyinə, qismən də ərəb və azərbaycan dilçiliyinə aid elmi mə­qalələri müxtəlif jurnallarda çap olunub. Orta və ali məktəblər üçün 22 adda dərslik və dərs vəsaitinin müəllifidir. “Tərəqqi” medalı ilə təltif olunmuş, Əməkdar müəllim fəxri adına layiq görülmüşdür.

Əmək fəaliyyəti Redaktə

1954-cü ildən S.M.Kirov adına Azərbaycan Dövlət Universitetində/Bakı Dövlət Universitetinin şərqşünaslıq fakültəsində işləyib; o cümlədən,

1954 – 1964-cü illərdə Yaxın və Orta Şərq dilləri kafedrasında baş müəllim,

1964 – 1990-cü illərdə İran filologiyası kafedrasında dosent,

1990-cı ildən İran filologiyası kafedrasında professor vəzifəsini tutub.

Təltif və mükafatları Redaktə

Vəfatı Redaktə

6 avqust 2021-ci il tarixdə – 94 yaşında, Bakıda vəfat edib.

Ədəbiyyat Redaktə

  1. Məmmədov Ə., Xalıqov F. Rüstəmova Təhminə // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 492-494. — 1.000 nüsx.
  2. Təhminə Rüstəmova : [arx. 7 Jul 2011 - 7 Aug 2021] // Bakı Dövlət Universitetinin şərqşünaslıq fakültəsi. — Müraciət tarixi: 13.11.2021.
  3. Təhminə Rüstəmova : [arx. 19 Aug 2017 - 7 Aug 2021] // Bakı Dövlət Universitetinin şərqşünaslıq fakültəsi. — Müraciət tarixi: 13.11.2021.