Tacəddin Əfəndiyev: Redaktələr arasındakı fərq

Şəki Ensiklopediyası səhifəsi
Redaktənin izahı yoxdur
Sətir 94: Sətir 94:
====Fotoşəkillər====
====Fotoşəkillər====
<gallery mode= packed-hover heights= "270px" widths= "300px" >
<gallery mode= packed-hover heights= "270px" widths= "300px" >
Şəkil:Tacəddin_Əfəndiyev0.jpg|T.Əfəndiyevin hərbi sənədlərindəki gənclik dövrünə aid şəkli.
Şəkil:Tacəddin Əfəndiyev, nekroloq.JPG|Tacəddin Əfəndiyevin vəfatı münasibəti ilə [[İpəkçi (qəzet)|“İpəkçi” qəzetində]] dərc olunmuş nekroloq (№ 25-26 (1501) 25 sentyabr 1986-cı il).
Şəkil:Tacəddin Əfəndiyev, nekroloq.JPG|Tacəddin Əfəndiyevin vəfatı münasibəti ilə [[İpəkçi (qəzet)|“İpəkçi” qəzetində]] dərc olunmuş nekroloq (№ 25-26 (1501) 25 sentyabr 1986-cı il).
Şəkil:Tacəddin Əfəndiyev, qəbir2.JPG||Tacəddin Əfəndiyevin qəbri üzərindəki baş daşı (Çöl qəbiristanlığı, Şəki).
Şəkil:Tacəddin Əfəndiyev, qəbir2.JPG||Tacəddin Əfəndiyevin qəbri üzərindəki baş daşı (Çöl qəbiristanlığı, Şəki).

20:53, 18 sentyabr 2021 versiyası

Tacəddin Əfəndiyev
Əfəndiyev Tacəddin Abdurrahman oğlu
Tacəddin Əfəndiyev
Tacəddin Əfəndiyev, 1970-ci il.
Doğum tarixi 23 fevral 1922(1922-02-23)
Doğum yeri Əli Bayramlı kəndi (indiki Aslanbəyli), Qazax qəzası, Azərbaycan SSR, ZSFSR
Vəfat tarixi 18 sentyabr 1986 (64 yaşında)
Vəfat yeri Şəki, Azərbaycan SSR, SSRİ
Dəfn yeri Çöl qəbiristanlığı, Şəki
Uşaqları Zümrüd Əfəndiyeva, Cahangir Əfəndiyev
Təhsili

 • Nuxa Toxuculuq Texnikumu (–1940)

 • Moskva Toxuculuq İnstitutu (–1955)
Mükafatları "Leninqradın müdafiəsinə görə" medalı — 1942"Stalinqradın müdafiəsinə görə" medalı — 1942"Qırmızı Ulduz" ordeni — 1943I dərəcəli "Vətən Müharibəsi" ordeni — 1944"1941-1945-ci illər Böyük Vətən müharibəsində Almaniya üzərində qələbəyə görə" medalı"Yaponiya üzərində qələbəyə görə" medalı — 1945"Oktyabr İnqilabı" ordeniVladimir İliç Leninin anadan olmasının 100 illiyi ilə əlaqədar yubiley medalı — 1970

Tacəddin Əfəndiyev (1922–1986) — ipəkçilik və toxuculuq sənayesi üzrə tanınmış mütəxəssis və rəhbər kadr. 1960–1981-ci illərdə V.İ.Lenin adına Şəki İpək İstehsalat Birliyinin[qeyd 1] baş direktoru, həmçinin, 1975–1981-ci illərdə Azərbaycan SSR Yüngül Sənaye Nazirliyi kollegiyasının üzvü olmuşdur. Şəkidə bir sıra abadlıq-quruculuq işlərinin həyata keçilirlnəsi istiqamətində müstəsna xidmətlər vardır; “Marxal” ipəkçilərinin istirahət kompleksi, “Səadət” pioner düşərgəsi onun təşəbbüsü və rəhbərliyi ilə iməciliklər yolu ilə yaradılmışdır.

Haqqında məlumatlar

23 fevral 1922-ci il tarixdə Qazax qəzasının Əli Bayramlı (indiki Aslanbəyli) kəndində anadan olub.

Təhsili

1940-cı ildə Nuxa Toxuculuq Texnikumunu,

1955-ci ildə Moskva Toxuculuq İnstitutunu bitirib.

Hərbi xidmətdə

1940-cı ilin dekabrında hərbi xidmətə qəbul edilib.

T.Əfəndiyev Böyük Vətən müharibəsi (1941–1945) illərində.

1941-ci ilin fevralından Novqorodda yerləşmiş DKAMHM-nın (Diviziya Kiçik Aviasiya Mütəxəssisləri hazırlayan Məktəb) kursantı olub. Həmin ilin 22 iyun tarixində Böyük Vətən müharibəsinin başlanmasından sonra məktəb Voronejə köçürülüb və avqust ayında məktəbin növbədənkənar buraxılışında təyinatla 7-ci uzağauçan aviasiya alayının 4-cü avio-eskadrilyasına atıcı-radist göndərilib.

25 mart 1945-ci il tarixli “Bakinski raboçi” qəzetində dərc olunmuş məktubunda Stalinqrad, Leninqrad əməliyyatlarında, Ukraynada, Pribaltikada vuruşduğunu, müharibənin dörd ilində 200-dən artıq uçuşda olduğunu, iki orden, 3 medalla təltif olunduğunu vurğulayıb.

9 may 1945-ci ildə Almaniya üzərində qələbədən sonra isə Yaponiya ilə müharibədə iştirak etmiş və daha iki medalla təltif olunmuşdur.

15 noyabr 1945-ci il tarixdə qvardiya starşinası hərbi rütbəsi ilə Sovet Ordusundan tərxis olunub.

Əmək fəaliyyəti

Tacəddin Əfəndiyev işdən sonra V.İ.Lenin adına Şəki İpək İstehsalat Birliyinin “Daşüz” yardımçı təsərrüfat sahəsində cır tənəklərə göz calağı vurarkən, 1975-ci il.

1940-cı ildə Nuxa ipək laboratoriyasında işləyib.

1946 – 1948-ci illərdə Nuxa şəhərindəki 2 №-li ipək fabrikində baş mühəndis,

1948 – 1949-cu illərdə V.İ.Lenin adına Nuxa İpək Kombinatında direktorunun müavini və baramaaçan sexinin rəisi,

1955 – 1960-cı illərdə V.İ.Lenin adına Nuxa İpək Kombinatında direktorunun müavini və baş mühəndis,

1961 – 1981-ci illərdə V.İ.Lenin adına Şəki İpək İstehsalat Birliyinin[qeyd 1] baş direktoru olub.

1981-ci ildən əmək fəaliyyətini Şəki Elektrik Şəbəkəsi idarəsində mülki-müdafiə şöbəsinin rəisi vəzifəsində davam etdirib.

Ictimai-siyasi fəallığı

1943-cü ildən ÜİK(b)P-nın üzvü olub.

Azərbaycan KP Şəki şəhər partiya komitəsi bürosunun üzvü olub.

Azərbaycan KP XXVIII qurultayının nümayəndəsi seçilib.

1975–1981-ci illərdə Azərbaycan SSR Yüngül Sənaye Nazirliyi kollegiyasının üzvü olub.

Təltif və mükafatları

Vəfatı

18 sentyabr 1986-ci il tarixdə – 64 yaşında, Şəkidə vəfat edib. Cənazəsi V.İ.Lenin adına Şəki İpək İstehsalat Birliyinin baş müəssisəinin klubuna qoyulmuş, mərhumla təntənəli vida mərasimi təşkil edilmişdir. Vida mərasimində Stepanakert İpək Kombinatının, Ordubad baramaaçan fabrikinin nümayəndələri də iştirak etmiş və mərhuma ehtiram əlaməti olaraq fəxri qaravulda durmuşlar.

Fotoşəkillər

Qeydlər

  1. 1,0 1,1 Müəssisənin əvvəlki adları: V.İ.Lenin adına Nuxa İpək Kombinatı (mart, 1968-ci il tarixədək); V.İ.Lenin adına Şəki İpək Kombinatı (mart, 1975-ci il tarixədək); V.İ.Lenin adına Şəki İpək İstehsalat Birliyi (mart, 1975-ci il tarixdən).
  2. Respublika pioner təşkilatının işində fəal iştirak etdiklərinə, böyüməkdə olan nəslin kommunist tərbiyəsi sahəsində uzun illər səmərəli fəaliyyət göstərdiklərinə görə və V.İ.Lenin adına Ümumittifaq pioner təşkilatının 50 illiyi ilə əlaqədar.

Ədəbiyyat

  1. Уфендиев Таджедин Абдурахманович : [arx. 25.07.2021] : [rus.] // Память Народа. — Müraciət tarixi: 25.07.2021.
  2. Çətin yolun yolçusu: Tacəddin Əfəndiyev // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 1975. —15 aprel  c. — № 12 – 13 (1236 – 1237). — Səh. 2 – 3.
  3. Mahmudov B. (tərcüməçi). Atıcı – radist // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 1975. —20 iyun  c. — № 20 – 21 (1244 – 1245). — Səh. 3 – 4.
  4. Tacəddin Aburrahman oğlu Əfəndiyev (nekroloq) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 1986. —25 sentyabr  c. — № 25 – 26 (1501). — Səh. 3.

Həmçinin, bax: