Tacəddin Əfəndiyev

Tacəddin Əfəndiyev
Əfəndiyev Tacəddin Abdurrahman oğlu
Tacəddin Əfəndiyev, 1970-ci il.
Doğum tarixi	23 fevral 1922(1922-02-23)
Doğum yeri	Əli Bayramov kəndi (indiki Aslanbəyli), Qazax qəzası, Azərbaycan SSR, ZSFSR
Vəfat tarixi	18 sentyabr 1986 (64 yaşında)
Vəfat yeri	Şəki, Azərbaycan SSR, SSRİ
Dəfn yeri	Çöl qəbiristanlığı, Şəki
Təhsili	Nuxa Toxuculuq Texnikumu (–1940) Moskva Toxuculuq İnstitutu (–1955)
Mükafatları

Tacəddin Əfəndiyev (1922 – 1986) — ipəkçilik və toxuculuq sənayesi mühəndisi, Böyük Vətən müharibəsi iştirakçısı. 1960 – 1981-ci illərdə V.İ.Lenin adına Şəki İpək İstehsalat Birliyinin baş direktoru, həmçinin, 1975 – 1981-ci illərdə Azərbaycan SSR Yüngül Sənaye Nazirliyi kollegiyasının üzvü olub. Şəkidə bir sıra abadlıq-quruculuq işlərinin həyata keçilirlnəsi istiqamətində müstəsna xidmətləri var, “Marxal” ipəkçilərinin istirahət kompleksi, “Səadət” pioner düşərgəsi onun təşəbbüsü və rəhbərliyi ilə iməciliklər yolu ilə yaradılmışdır.

Haqqında məlumatlar

23 fevral 1922-ci il tarixdə Qazax qəzasının Əli Bayramov (indiki Aslanbəyli) kəndində anadan olub.

Təhsili

1940-cı ildə Nuxa Toxuculuq Texnikumunu,

1955-ci ildə Moskva Toxuculuq İnstitutunu bitirib.

Hərbi xidmətdə

1940-cı ildə hərbi xidmətə çağırılıb.

1941-ci ilin fevralından Novqorodda yerləşmiş DKAMHM-nın (Diviziya Kiçik Aviasiya Mütəxəssisləri hazırlayan Məktəb) kursantı olub. Həmin ilin 22 iyun tarixində Böyük Vətən müharibəsinin başlanmasından sonra məktəb Voronejə köçürülüb və avqust ayında məktəbin növbədənkənar buraxılışında təyinatla 7-ci uzağauçan aviasiya alayının 4-cü avio-eskadrilyasına atıcı-radist göndərilib.

25 mart 1945-ci il tarixli “Bakinski raboçi” qəzetində dərc olunmuş məktubunda Stalinqrad, Leninqrad əməliyyatlarında, Ukraynada, Pribaltikada vuruşduğunu, müharibənin dörd ilində 200-dən artıq uçuşda olduğunu, iki orden, 3 medalla təltif olunduğunu vurğulayıb.

9 may 1945-ci ildə Almaniya üzərində qələbədən sonra isə Yaponiya ilə müharibədə iştirak etmiş və daha iki medalla təltif olunmuşdur.

1945-ci ilin sonunda qvardiya starşinası hərbi rütbəsi ilə Sovet Ordusundan tərxis olunub.

Əmək fəaliyyəti

Tacəddin Əfəndiyev işdən sonra V.İ.Lenin adına Şəki İpək İstehsalat Birliyinin “Daşüz” yardımçı təsərrüfat sahəsində cır tənəklərə göz calağı vurarkən, 1975-ci il.

1940-cı ildə Nuxa ipək laboratoriyasında işləyib.

1946 – 1948-ci illərdə Nuxa şəhərindəki 2 №-li ipək fabrikində baş mühəndis,

1948 – 1949-cu illərdə V.İ.Lenin adına Nuxa İpək Kombinatında direktorunun müavini və baramaaçan sexinin rəisi,

1955 – 1960-cı illərdə V.İ.Lenin adına Nuxa İpək Kombinatında direktorunun müavini və baş mühəndis,

1961 – 1981-ci illərdə V.İ.Lenin adına Şəki İpək İstehsalat Birliyinin baş direktoru olub.

1981-ci ildən əmək fəaliyyətini Şəki Elektrik Şəbəkəsi idarəsində mülki-müdafiə şöbəsinin rəisi vəzifəsində davam etdirib.

Siyasi fəaliyyəti

1943-cü ildən ÜİK(b)P-nın üzvü olub.

Azərbaycan KP Şəki şəhər partiya komitəsi bürosunun üzvü olub.

Azərbaycan KP XXVIII qurultayının nümayəndəsi seçilib.

Təltif və mükafatları

• I dərəcəli “Vətən Müharibəsi” ordeni (1941 – 1945-ci illər arasında);
• “Qırmızı Ulduz” ordeni (1943);
• “Stalinqradın müdafiəsinə görə” medalı (1941 – 1945-ci illər arasında);
• “Leninqradın müdafiəsinə görə” medalı (1941 – 1945-ci illər arasında);
• “1941-1945-ci illər Böyük Vətən müharibəsində Almaniya üzərində qələbəyə görə” medalı (1945);
• “Yaponiya üzərində qələbəyə görə” medalı (1945);
• Azərbaycan SSR Ali Sovetinin Fəxri fərmanı – 3 dəfə (..., ..., 1972);
• “Oktyabr İnqilabı” ordeni;
• Lenin yubiley medalı (1970);

Vəfatı

18 sentyabr 1986-ci il tarixdə – 64 yaşında, Şəkidə vəfat edib. Şəkidə çöl qəbiristanlığında dəfn olunub.

Fotoşəkillər

• 

  Tacəddin Əfəndiyevin vəfatı münasibəti ilə “İpəkçi” qəzetində dərc olunmuş nekroloq (№ 25-26 (1501) 25 sentyabr 1986-cı il).

• 

  Tacəddin Əfəndiyevin qəbri üzərindəki baş daşı (Çöl qəbiristanlığı, Şəki).

• 

  Tacəddin Abdurrahman oğlu Əfəndiyevin (23.02.1922 – 18.09.1986) və həyat yoldaşı Mariya Petrovna Əfəndiyevanın (02.08.1917 – 12.02.2011) qəbirləri (Çöl qəbiristanlığı, Şəki).

Ədəbiyyat

1. Çətin yolun yolçusu: Tacəddin Əfəndiyev (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 1975. —15 aprel  c. — № 12 – 13 (1236 – 1237). — Səh. 2 – 3.
2. Mahmudov B. (tərcüməçi). Atıcı – radist (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 1975. —20 iyun  c. — № 20 – 21 (1244 – 1245). — Səh. 3 – 4.
3. Tacəddin Aburrahman oğlu Əfəndiyev (nekroloq) (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 1986. —25 sentyabr  c. — № 25 – 26 (1501). — Səh. 3.