Tacəddin Aslanov

Tacəddin Aslanov (1930–1978) — tanınmış hüquqşünas, Şəki rayon Xalq Məhkəməsinin sədri.

Tacəddin Aslanov
Aslanov Tacəddin Valeh oğlu
Tacəddin Aslanov.
Doğum tarixi	6 yanvar 1930(1930-01-06)
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfat tarixi	15 avqust 1978 (48 yaşında)
Vəfat yeri	Şəki, Azərbaycan SSR, SSRİ
Vətəndaşlıq	SSRİ
Təhsili	• S.M.Kirov adına Azərbaycan Dövlət Universiteti, hüquq fakültəsi (1947–)  • Ali Partiya Məkəbi (1966–1968)

Haqqında məlumatlar

6 yanvar 1930-cu il tarixdə Nuxada (indiki Şəki) anadan olub.

Təhsili

1937 – 1947-ci illərdə Nuxa şəhər 10 №-li tam orta məktəbində təhsil alıb.

1947-ci ildə S.M.Kirov adına Azərbaycan Dövlət Universitetinin hüquq fakültəsinə daxil olub.

1966 – 1968-ci illərdə Ali Partiya Məktəbində təhsil alıb.

Əmək fəaliyyəti

1960-cı illərdə V.İ.Lenin adına Nuxa İpək Kombinatı Komsomol Komitəsinin katibi olub.

1965-ci ildən Azərbaycan KP Nuxa Şəhər Partiya Komitəsində əvvəl təlimatçı, sonra isə təşkilat şöbəsinin müdiri vəzifəsində çalışıb.

1970 və 1975-ci illərdə Şəki Rayon Xalq Məhkəməsinin hakimi seçilib. Birinci dəfə Şəki rayon xalq hakimliyinə namizədliyi V.İ.Lenin adına Şəki İpək Kombinatının, ikinci dəfə isə “Paris Kommunası” kolxozunun əmək kollektivi tərəfindən irəli sürülmüşdür. 1975-ci ildən həm də Şəki Rayon Xalq Məhkəməsinin sədri olub.

Vəfatı

15 avqust 1978-ci il tarixdə – 48 yaşında, Şəkidə vəfat edib.

Ədəbiyyat

• Xalq hakimliyinə namizədlər // M.Salis İpəkçi : qəzet. — Şəki, 1976. — В. 10 aprel. — № 9 – 10 (1273).