Tahir Məmmədov

Tahir Məmmədov
Məmmədov Tahir Məcid oğlu
Tahir Məmmədov.
Doğum tarixi	29 aprel 1950 (1950-04-29)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
Təhsili	M.Əzizbəyov adına Azərbaycan Neft və Kimya İnstitutu (–1973)

Tahir Məmmədov — tanınmış həmkarlar təşkilatı işçisi; uzun müddət Şəki İpək Kombinatı həmkarlar təşkilatı komitəsinin sədri vəzifəsində çalışıb. Həmçinin, 1990-cı ildə 129 nömrəli Şəki ikinci şəhər seçki dairəsindən Azərbaycan SSR xalq deputatlığına namizəd olmuşdur.

Haqqında məlumatlar

29 aprel 1950-ci il tarixdə Nuxada (indiki Şəki) anadan olub.

Təhsili

1967-ci ildə Nuxa şəhər 11 №-li orta məktəbini,

1973-cü ildə M.Əzizbəyov adına Azərbaycan Neft və Kimya İnstitutunu bitirib.

Əmək və digər fəaliyyəti

Tələbəlik illərində (1967–1973) çilincər peşəsində əmək fəaliyyətinə başlayıb.

Hərbi xidmət dövründə Beloqorsk şəhərində (Amur vilayəti, RSFSR) alayın rabitə rəisi olub.

Hərbi xidmətdən sonra V.İ.Lenin adına İpək İstehsalat Birliyində təlimatçı, şöbə rəisi, partiya komitəsi katibinin müavini vəzifəsində çalışmış,

1985 – 2005-ci illərdə həmkarlar təşkilatı komitəsinin sədri olmuşdur.

İctimai-siyasi fəaliyyəti

1990-cı ildə 129 nömrəli Şəki ikinci şəhər seçki dairəsindən Azərbaycan SSR xalq deputatlığına namizəd olsa da, həmin dairə üzrə nəticələr ləğv edildikdən sonra təkrar seçkidə iştirak etməyib.

Ədəbiyyat

1. Respublika xalq deputatlığına namizəd, birlik həmkarlar ittifaqı komitəsinin sədri Tahir Məcid oğlu Məmmədovun seçkiqabağı platforması (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 22 sentyabr 1990. — № 25 – 26 (1959 – 1960). — Səh. 2.