Tapdıq Qurbanəliyev

Tapdıq Qurbanəliyev
Qurbanəliyev Tapdıq Dövlətxan oğlu
Tapdıq Qurbanəliyev.
Doğum tarixi	21 dekabr 1978(1978-12-21)
Doğum yeri	Aydınbulaq, Şəki rayonu, Azərbaycan SSR, SSRİ
Vəfat tarixi	30 sentyabr 2020 (41 yaşında)
Vəfat yeri	Çaylı kəndi, Tərtər rayonu, Azərbaycan
Dəfn yeri	Şeyx Osman qəbiristanlığı, İbrahimkənd, Şəki rayonu, Azərbaycan
Vətəndaşlıq	SSRİ→ Azərbaycan
Mənsubiyyəti	Azərbaycan Ordusu
Atası	Dövlətxan Qurbanəliyev
Anası	Telli
Həyat yoldaşı	Natəvan Qurbanəliyeva
Hərbi fəaliyyəti
Qoşun növü	Quru Qoşunları
Xidmət illəri	1998 – 2020
Rütbə	baş gizir
Təltifləri

Tapdıq Qurbanəliyev (1978–2020) — Vətən müharibəsində şəhid olmuş Azərbaycan Silahlı Qüvvələrinin baş giziri.

Haqqında məlumatlar

21 dekabr 1978-ci il tarixdə Şəki rayonunun Aydınbulaq kəndində anadan olub.

Təhsili

1985-ci ildə Şəki rayonunun Aydınbulaq kənd tam orta məktəbinin 1-ci sinfinə gedib.

Hərbi xidmətdə

Orta məktəbi bitirdikdən sonra hərbi xidmətə gedərək orada zabit heyətinin təkmilləşdirilmə kursu nəzdindəki gizir hazırlama kursuna daxil olub. 2000-ci ilin may ayından PDM komandiri hərbi ixtisası üzrə hərbi sahədə fəaliyyətə başlayıb.

Vəfatı

27 sentyabr 2020-ci ildə başlayan Vətən müharibəsində ön cəbhədə vuruşub. 30 sentyabr 2020-ci il tarixdə – 41 yaşında, Tərtər-Ağdərə istiqamətində gedən döyüşdə, Tərtərin Çaylı kəndində döyüş tapşırığını yerinə yetirərkən tank əleyhinə minaya düşərək qəhrəmancasına həlak olub. Oktyabr ayının 16-da İbrahimkənd kəndinin Şeyx Osman qəbiristanlığında dəfn edilib.

Təltif və mükafatları

• “Azərbaycan Respublikası Silahlı Qüvvələrinin 10 illiyi (1991–2001)” yubiley medalı – 26.06.2003;
• “Azərbaycan Silahlı Qüvvələrinin 90 illiyi (1918-2008)” yubiley medalı (26.06.2008);
• 3-cü dərəcəli “Qüsursuz xidmətə görə” medalı (26.06.2008);
• “Azərbaycan Silahlı Qüvvələrinin 95 illiyi (1918-2013)” yubiley medalı (26.06.2013);
• 2-ci dərəcəli “Qüsursuz xidmətə görə” medalı (26.06.2013);
• “Azərbaycan Ordusunun 100 illiyi (1918-2018)” yubiley medalı (26.06.2018);
• 1-ci dərəcəli “Qüsursuz xidmətə görə” medalı (26.06.2018);
• “Vətən uğrunda” medalı – ölümündən sonra (15.12.2020);
• “İgidliyə görə” medalı — ölümündən sonra (18.12.2020);
• “Suqovuşanın azad olunmasına görə” medalı — ölümündən sonra (24.06.2021).

Ailəsi

Ailədə 1 bacı, 4 qardaş olublar. Atası Dövlətxan Qurbanəliyev 2017-cı ildə, anası Telli 2013-cü ildə vəfat edib. Ailəli idi. Bir qızı və bir oğlu vardır.

Ədəbiyyat

1. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : TAPDIQ Dövlətxan oğlu Qurbanəliyev : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.
2. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Vətən uğrunda” medalı ilə təltif edilməsi haqqında : [arx. 15 Dec 2020 - 6 Oct 2021] // Azərbaycan Müdafiə Nazirliyi. — 2020. — 15 dekabr. — Müraciət tarixi: 21.12.2021.
3. Azərbaycan Respublikası Silahlı Qüvvələrinin hərbi qulluqçularının “İgidliyə görə” medalı ilə təltif edilməsi haqqında Azərbaycan Respublikası Prezidentinin Sərəncamı : [arx. 18 Dec 2020 - 7 May 2021] // Azərbaycan Müdafiə Nazirliyi. — 2020. — 18 dekabr. — Müraciət tarixi: 21.12.2021.
4. Azərbaycan Respublikası Prezidentinin Silahlı Qüvvələrin hərbi qulluqçularının “Suqovuşanın azad olunmasına görə” medalı ilə təltif edilməsi haqqında Sərəncamı : [arx. 24 Jun 2021 - 18 Nov 2021] // Azərbaycan Müdafiə Nazirliyi. — 2021. — 24 iyun. — Müraciət tarixi: 21.12.2021.

Video-çarxlar

• Həmçinin, bax: Şəkinin Vətən müharibəsi şəhidlərinin siyahısı (xüsusi cədvəl)