MediaWiki:Vahanvəng

GY
Vahanvəng Վահանվանք
Vahanvəng monastrı
Ölkə	Ermənistan
Yerləşdiyi yer	Qafan
Məzhəb	Erməni Həvari kilsəsi
Banisi	Vahan, Sünik knyazı Dzaqikin kiçik oğlu
Təməlinin qoyulması tarixi	911
Tikinti	911—1086
Xronologiya: 911-ci il — Kompleksin inşa edilməsi 1086-cı il — Monastırın cənub girişində əlavə dəhliz və Müqəddəs Məryəm kilsəsini tikilib
Koordinatlar	39°21′04″N 46°19′55″E

Vahanvəng (erm.: Վահանվանք)  — Ermənistanın Sünik mərzində, Qafan şəhərindən 7 km qərbdə yerləşən monastır. Sünik çarlarının və knyazlarının dəfn olunduğu yerdir.

Tarixi

Vahanvəng monastırını 911-ci ildə Sünik knyazı Dzaqikin kiçik oğlu Vahan tikdirib. Sünik knyazlığının dini mərkəzi olmuşdur. Kompleksin köhnə binası — Müqəddəs Qriqori kilsəsi, günbəzlidir və burada bir neçə qədim kitabə var. Bundan sonra knyaz Vahan monastırın qərb hissəsində əlavə bir tağlı dəhliz (foye) və portik də tikdirmişdir. Portik cənub istiqamətindən şimal istiqamətinə doğru – eyvanadək uzanır. 1086-cı ildə çariça II Şahanduxt (1116-cı ildə ölüb) və onun bacısı Kata monastırın cənub girişində əlavə dəhliz və Müqəddəs Məryəm kilsəsini tikdiriblər. Monastır ərazisindəki xaçkarlar, kitabələr, qəbirlər və digər təyinatlı tikililər X—XI əsrlərə aid edilir. Vahanvəngdə Sünik çarlarının məqbərəsi də var. Çar Vasaqın (1051-ci ildə ölüb), çar I Qriqorun (1072-ci ildə ölüb), çar Sənəkərimin anası — knyagina Sofinin (1081-ci ildə ölüb) və çar nəslindən olan bir çoxlarının qəbirlərinin sinədaşları aşkar edilib.

Həmçinin, bax:

• II Şahanduxt

Ədəbiyyat

• Новонайденные надписи Ваанаванка // Ист.-филол. журн.. — 1972. — № 1. — С. 215-229.
• Григорян Г. М. Очерки истории Сюника. IX—XV вв. / Отв. ред. X. А. Торосян, Б. А. Улубабян. — Ереван: Издательство АН Армянской ССР, 1990. — ISBN 5—8080—0042—4.
• Григорян Г. М. Сюникское царство (X - XII века) // Ист.-филол. журн.. — 2006. — № 2. — С. 134-145.<