Veysəl Əfəndiyev

Veysəl Əfəndiyev
Əfəndiyev Veysəl Rəsul oğlu
Veysəl Əfəndiyev.

Veysəl Əfəndiyev (1930–1979) — iqtisad elmləri namizədi, Bakı Ali Partiya Məktəbinin siyasi iqtisad kafedrasının dosenti. Bir müddət Azərbaycan KP Balakən rayon komitəsinin birinci katibi vəzifəsində də çalışmışdır.

Haqqında məlumatlar

1930-cu ildə Nuxada (indiki Şəki) anadan olub.

Təhsili

1952-ci ildə Karl Marks adına Azərbaycan Xalq Təsərrüfatı İnstitutunu bitirib.

1953-cü ildə Moskva İqtisad Statistika İnstitutu yanında aspiranturaya daxil olub.

Elmi fəaliyyəti

1959-cu ildə iqtisad elmləri namizədi elmi dərəcəsini alıb.

Əmək fəaliyyəti

1952-ci ildən təyinatla Azərbaycan Pambıq Tədarükü Trestinin plan şöbəsinə iqtisadçı vəzifəsində işləməyə göndərilib. Bir müddət sonra Baş Pambıq Tədarükü və Emalı İdarəsinin maliyyə şöbəsinin baş iqtisadçısı vəzifəsinə keçirilib.

1957-ci ildə Azərbaycan KP MK-nın kənd təsərrüfatı şöbəsində təlimatçı,

1959-cu ildə isə Azərbaycan KP Balakən rayon komitəsinin birinci katibi vəzifəsinə irəli çəkilib. Sonrakı illərdə Çingiz İldırım adına Azərbaycan Politexnik İnstitutunun siyasi iqtisad kafedrasında dosent, Azərbaycan Elmi-Tədqiqat İqtisadiyyat İnstitutunda şöbə müdiri, Bakı Ali Partiya Məktəbinin siyasi iqtisad kafedrasında dosent vəzifəsində çalışıb.

Təltif və mükafatları

• “Qırmızı Əmək Bayrağı” ordeni;
• “Şərəf Nişanı” ordeni.

Vəfatı

17 sentyabr 1979-cu il tarixdə – 49 yaşında, vəfat edib.

Ədəbiyyat

1. Məmmədov Ə., Xalıqov F. // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 83-84. — 600 nüsx. — ISBN 5-8066-1708-4.
2. Veysəl Rəsul oğlu Əfəndiyev // Şəkidə məhəllə adları, soyadlar və ləğəblər / Zəkəriyyə Əlizadə, Ulduz Mürşüdova və Kamil Adışirinov. — AMEA Şəki Regional Elmi Mərkəzi. — Bakı: Nafta–Press, 2009. — 2 kitab. — II  kitab. — Səhifələrin sayı:  605. — Səh.: 323-324. — 500 nüsx. — ISBN 5-8066-1708-4.