Xəyal Məmmədov

Xəyal Məmmədov
Məmmədov Xəyal Ağabəy oğlu
Xəyal Məmmədov.
Doğum tarixi	18 noyabr 1986(1986-11-18)
Doğum yeri	Şəki, Azərbaycan SSR, SSRİ
Vəfat tarixi	20 oktyabr 2020 (33 yaşında)
Vəfat yeri	Qubadlı ryonu, Azərbaycan
Dəfn yeri	Çöl qəbiristanlığı, Şəki, Azərbaycan
Vəfat səbəbi	döyüşdə şəhid olub
Vətəndaşlıq	SSRİ→ Azərbaycan
Mənsubiyyəti	Azərbaycan Ordusu
Uşaqları	Aylin və Selin
Atası	Ağabəy
Anası	İlfat
Həyat yoldaşı	Röyalə
Təhsili	• Cəmşid Naxçıvanski adına hərbi məktəb (2001–2004)  • Heydər Əliyev adına Azərbaycan Ali Hərbi Məktəbi (2004–2008)
Hərbi fəaliyyəti
Qoşun növü	Quru Qoşunları
Xidmət illəri	2004 — 2020
Rütbə	mayor
Təltifləri

Xəyal Məmmədov (1986–2020) — Vətən müharibəsində şəhid olmuş Azərbaycan Silahlı Qüvvələrinin mayoru

Haqqında məlumatlar

18 noyabr 1986-cı il tarixdə Şəkidə anadan olub.

Təhsili

1993 – 2001-ci illərdə Şəki şəhər 5 saylı tam orta məktəbində,

2001 – 2004-cü illərdə Cəmşid Naxçıvanski adına hərbi məktəbdə,

2004 – 2008-ci illərdə Heydər Əliyev adına Azərbaycan Ali Hərbi Məktəbində təhsil alıb.

2008 – 2009-cu illərdə Azərbaycan Ordusunun Təlim və Tədris Mərkəzində zabitlik kursu keçib.

Əmək və hərbçi fəaliyyəti

Cəlilabad rayonunda yerləşən "N" saylı hərbi hissədə bölük komandiri kimi əmək fəaliyyətinə başlayıb. Daha sonra xidmətini Füzuli rayonunda davam etdirib. Xidməti dövründə ona həvalə olunmuş müxtəlif vəzifələri uğurla yerinə yetirərək mayor rütbəsinədək yüksəlib.

27 sentyabr 2020-ci ildə başlayan Vətən Müharibəsində Füzuli, Hadrut, Cəbrayıl, Zəngilan rayonlarının azad edilməsində tabor komandiri olaraq iştirak edib. Qubadlı rayonuna daxil olan Azərbaycanın ilk hərbçilərindən biri olub.

Şəhid olması

20 oktyabr 2020-ci il tarixdə – 33 yaşında, qəhrəmancasına həlak olub. Şəkidə Çöl qəbiristanlığında dəfn edilib.

Təltif və mükafatları

Xidmətdə olduğu müddətdə 3-cü dərəcəli “Vətənə xidmətə görə” ordeni, həmçinin “Azərbaycan Respublikası Silahlı Qüvvələrinin 95 illiyi (1918-2013)” və “Azərbaycan Ordusunun 100 illiyi (1918-2018)” yubiley medalları, “Qüsur-suz xidmətə görə” 3-cü dərəcəli medal ilə təltif edilib.

Ailəsi

Ailədə 3 qardaş olublar.

Ailəli idi. Şəhid olarkən 4 və 5 yaşlarında iki qızı vardı.

Digər

Məktəb yaşlarında Şəki şəhər Uşaq Gənclər İdman Məktəbinin futbol komandasının heyətində müxtəlif turnirlərdə oynayıb.

Ədəbiyyat

1. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : XƏYAL Ağabəy oğlu Məmmədov : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.

Videolar

• Həmçinin, bax: Şəkinin Vətən müharibəsi şəhidlərinin siyahısı (xüsusi cədvəl)