Yaşar Bilalov

Yaşar Bilalov
Bilalov Yaşar Mahmud oğlu
Yaşar Bilalov.
Doğum tarixi	29 sentyabr 1936(1936-09-29)
Doğum yeri	Nuxa (indiki Şəki), Nuxa rayonu, Azərbaycan SSR, SSRİ
Elm sahəsi	kimya
Elmi dərəcəsi	texnika elmləri doktoru
Elmi adı	professor
Təhsili	Azərbaycan Sənaye İnstitutu, kimya-texnologiya fakültəsi (1955–1957) M.V.Lomonosov adına Moskva Zərif Kimya-Texnologiya İnstitutu (1957–1961) M.V.Lomonosov adına Moskva Zərif Kimya-Texnologiya İnstitutu, aspirantura (1962–1965)

Yaşar Bilalov — kimyaçı alım-pedaqoq, texnika elmləri doktoru, professor, Azərbaycan Respublikasının əməkdar elm xadimi. Uzun müddət Azərbaycan Dövlət Neft və Sənaye Universitetində yüksəkmolekullu birləşmələrin texnologiyası kafedrasın müdiri vəzifəsində çalışmışdır.

Haqqında məlumatlar

29 sentyabr 1936-cı il tarixdə Nuxada (indiki Şəki) anadan olub.

Təhsili

1955-ci ildə Nuxa şəhər M.F.Axundov adına 2 №-li orta məktəbini bitirib.

1955-ci ildə Azərbaycan Sənaye İnstitutunun kimya-texnologiya fakültəsinə daxil olub.

1957-ci ildən M.V.Lomonosov adına Moskva Zərif kimya Texnologiyası İnstitutunda təhsilini davam etdirib.

1962 – 1965-ci illərdə M.V.Lomonosov adına Moskva Zərif kimya Texnologiyası İnstitutunun aspiranturasına təhsil alıb.

Elmi fəaliyyəti

1965-ci ildə “Protektor rezinlərinin tərkibinin onların mexaniki xassələrinə təsirinin tədqiqi” mövzusunda namizədlik dissertasiyasını, müdafiə edib.

1987-ci ildə doktorluq dissertasiyasını müdafiə edib.

1988-ci ildə professor elmi adını alıb.

400-dən artıq elmi əsərin, o cümlədən, dərs vəsaitinin müəllifidir.

Tədqiqatları polimerlərin modifikasiyası, onların əsasında müxtəlif məqsədli kompozisiyalar alınmasına həsr olunub.

20-dən çox elmlər namizədinin və elmlər doktorunun elmi rəhbəri olub.

Əmək fəaliyyəti

1961 – 1962-ci illərdə Bakı şin zavodunda işləyib.

1965-ci ildən M.Əzizbəyov adına Azərbaycan Nef və Kimya İnstitutundə işləməyə başlayıb; əvvəl yüksəkmolekullu birləşmələrin texnologiyası kafedrasında müəllim, sonra baş müəllim, daha sonra dosent,

1972-ci ildən isə kafedranın müdiri,

1977 – 1982-ci illərdə kimya texnologiyası fakültəsinin dekanı,

1988-ci ildən professor vəzifələrində çalışıb.

Təltif və mükafatları

• “Azərbaycan Respublikasının əməkdar elm xadimi” fəxri adı (2000).

Ədəbiyyat

1. Məmmədov Ə., Xalıqov F. Bilalov Yaşar // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 72 – 74. — 1.000 nüsx.
2. Mete Ə. Fəxri kimyaçı // O torpağın övladları. — Bakı: Nurlan, 2006. — Səhifələrin sayı:  608. — Səh.: 289 – 290. — 500 nüsx.
3. Bilalov Yaşar Mahmud oğlu // Azərbaycan Milli Ensiklopediyası : ensiklopediya  : [25 cilddə] (tiraj: 25 000; 608 s.). — Bakı: “Azərbaycan Milli Ensiklopediyası” Elmi Mərkəzi, 2013. —IV  c. — Səh. 34. — ISBN 978-9952-441-03-1.