Yaqub Mahir

Yaqub Alxasov
Alxasov Yaqub Mahir oğlu
Yaqub Mahir (“Yaqub Mahirin poetik irsi (dövrü, mühiti, həyatı və yaradıcılığı)” kitabının üz qabığındakı şəkil).
Doğum tarixi	27 may 1927(1927-05-27)
Doğum yeri	Oxud, Şəki qəzası, Azərbaycan SSR, ZSFSR, SSRİ
Vəfatı	25 noyabr 2015 (88 yaşında)
Vəfat yeri	Şəki, Azərbaycan
Dəfn yeri	Çöl qəbiristanlığı, Şəki, Azərbaycan
Atası	Vahab Cəbrayıl oğlu Alxasov
Anası	Nazilə
Uşaqları	Vüqar, Xatın, Bahar və Nigar
Vətəndaşlığı	SSRİ→ Azərbaycan
Təhsili	Nuxa Kənd Təsərrüfatı Texnikumu (1954–1957)

Yaqub Mahir (1927–2015) — XX əsrdə və XXI əsrin ilk onilliklərində Şəkidə yaşayıb-yaratmış şair.

Haqqında məlumatlar

27 may 1927-ci il tarixdə Şəki qəzasının Oxud kəndində, yoxsul ailədə anadan olub.

Təhsili

Əvvəl Oxud kənd səkkizillik məktəbində,

1947 – 1948-ci illərdə isə M.Qorki adına Nuxa şəhər 10 №-li orta məktəbində təhsil alıb.

1948-ci ildə S.M.Kirov adına Azərbaycan Dövlət Universitetinin filologiya fakültəsinə qəbul olunsa da 1953-cü ildə universitetdən xaric edilib.

1953-cü ildə Həsən bəy Zərdabi adına Kirovabad Pedaqoji İnstitutuna qəbul olunsa də orada da təhsilini davam etdirə bilməyib.

1954 – 1957-ci illərdə Nuxa Kənd Təsərrüfatı Texnikumunda aqronom ixtisası üzrə təhsil alıb.

Əmək fəaliyyəti

1948-ci ildə bir müddət Sabir adına Nuxa Dövlət Dram Teatrında kütləvi işçi,

1957 – 1963-cü illərdə əvvəl bir müddət ixtisası üzrə Oxud kəndində aqronom-entimoloq, sonra müxtəlif vaxtlarda V.İ.Lenin adına Nuxa İpək Kombinatında çeşidləyici fəhlə, “Şəki fəhləsi” qəzeti redaksiyasında mühasib və digər sahələrdə və müxtəlif vəzifələrdə çalışıb.

1963 – 1988-ci illərdə Şəki şəhər Rabitə Qovşağında texnik işləyib.

Yaradıcılığı

1938-ci ildən yaradıcılığa başlayıb. Şeirləri uzun müddət yerli dövri-mətbuatda dərc olunub. 1998-ci ildə “Şəkililər”, 2002-ci ildə “Mahirnamə”, 2015-ci ildə isə “Şəki gözəli” adlı şeir kitabları çap edilib. “Səbuhi” ədəbi məclisinin üzvü olub, satiralarında M.Ə.Sabir, lirik-aşiqanə qəzəllərində Əliağa Vahid, gəraylı və qoşmalarında isə zəngin aşıq şeiri ənənələrini davam etdirib.

Digər

Atası, anası, bacısı və özündən ibarət ailəvi rəqs qrupunun tərkibində 1938-ci ildə Moskva şəhərində keçirilmiş Azərbaycan incəsənəti ongünlüyündə çıxış edib.

Vəfatı

25 noyabr 2015-ci il tarixdə – 88 yaşında, Şəkidə vəfat edib. Şəkidə Çöl qəbiristanlığında dəfn olunub.

Ədəbiyyat

1. Orsər R. Yaqub Mahir // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 291-294. — 500 nüsx. — ISBN 978-9952-8176-5-2.
2. Adışirinov K.F. (kitaba keçid) // Yaqub Mahirin poetik irsi (dövrü, mühiti, həyatı və yaradıcılığı) / AMEA Şəki Regional Elmi Mərkəzi. — Bakı: Elm və təhsil, 2020. — Səhifələrin sayı:  353. — ISBN 978-9952-8175-0-7. Arxivləşdirilib; arxivləşdirmə tarixi: 20 aprel 2021.

Həmçinin, bax:

• Yaqub Mahirin poetik irsi (dövrü, mühiti, həyatı və yaradıcılığı).