Yunis Məmmədov

Yunis Məmmədov
Məmmədov Yunis (Yunus) Mirzəməmməd oğlu
Yunus Məmmədov.
Digər adı	Yunus
Doğum tarixi	3 may 1900(1900-05-03)
Doğum yeri	Qışlaq, Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	6 yanvar 1987 (86 yaşında)
Mükafatları

Yunis Məmmədov (1900–1987) — sovet dövründə Nuxa (indiki Şəki) rayon sovetinin sədri və bu kimi digər məsul vəzifələrdə çalışmış şəxs. Sosialist Əməyi Qəhrəmanı idi.

Haqqında məlumatlar

3 may 1900-cü ildə Nuxanın (indiki Şəki) Qışlaq kəndində anadan olub.

Təhsili

1923-cü ilin sentyabr ayında Bakıda hərbi-siyasi məktəbə daxil olub.

Əmək və hərbçi fəaliyyəti

1914-cü ildə atasının vəfat etməsindən sonra 1920-ci ilədədək Nuxa Qışlağındakı ipək fabrikində fəhlə,

1920-ci ilin fevral ayından 1921-ci ilə qədər isə Nuxa Qışlağında muzdur işləyib.

1921-ci ildən 1923-cü ilin fevral ayındadək hərbi xidmətdə olub.

1923-cü ilin fevral ayından sentyabr ayınadək Nuxa şəhərindəki 3 nömrəli ipək fabrikində ipək-əyirici fəhlə vəzifəsində işləyib.

1923-cü ilin sentyabr ayından 1937-ci ilin noyabr ayınadək yenidən hərbi sahədə fəaliyyət göstyərib, hərbi-siyasi təhsilini tamamladıqdan sonra orduda əvvəl siyasi rəhbər, sonra diviziya siyasi şöbəsinin təlimatçısı, daha sonra alay hərbi komissarı vəzifəsində xidmət edib.

1937-ci ilin noyabr ayından SSRİ Dövlət Bankının Azərbaycan konturunda baş müfəttiş, Nuxa pedaqoji məktəbində və Nuxa Dövlət Müəllimlər İnstitutunda hərbi rəhbər vəzifəsində çalışıb.

1941-ci ildə Böyük Vətən Müharibəsinin başlamasından sonra yenidən hərbi xidmətə keçib; o cümlədən,

1941-ci ilin sentyabr ayından 1943-cü ilin yanvar ayınadək əvvəl döyüşən orduda batalyon hərbi komissarı, sonra işaaat-fəhlə dəstəsinin rəisi və başqa bu kimi digər vəzifələrdə xidmət edib.

1943-cü ilin yanvar ayından sonra əvvəl Azərbaycan K(b)P MK-nın kadr şöbəsində təlimatçı, sonra Azərbaycan K(b)P Vartaşen (indiki Oğuz) rayon komitəsinin ikinci katibi vəzifəsində çalışıb.

1946–cı ilin fevral ayında Zəhmətkeş Deputatları Nuxa Rayon Soveti İcraiyyə Komitəsinin sədri seçilib.

1951-ci ildə ildə Nuxa rayon Sənaye kombinatının direktoru, sonralar Nuxa şəhər kommunal təsərrüfat idarəsinin müdiri və s. bu kimi digər vəzifələrdə çalışıb.

1963-cü ildən ittifaq əhəmiyyətli təqaüdçü idi.

Vəfatı

6 yanvar 1987-ci il tarixdə – 86 yaşında, Şəkidə vəfat edib.

Digər

1926-cı ildən ÜİK(b)P-nın üzvü olub.

1947-ci ildə 1947-ci ildə 127 nömrəli Oxud seçki dairəsindən Azərbaycan SSR Ali Sovetinin deputatı seçilib.

1948-ci ildə həm Nuxa rayon, həm də Nuxa şəhər sovetinin deputatı seçilib. O cümlədən, yenidən rayon soveti icraiyyə komitəsinin sədri seçilib.

1950-ci ildə Nuxa şəhər sovetinin deputatı seçilib.

Təltif və mükafatları

• “Qafqazın müdafiəsinə görə” medalı;
• “1941 – 1945-ci illər Böyük Vətən müharibəsində Almaniya üzərində qələbəyə görə” medalı;
• “"1941 – 1945-ci illər Böyük Vətən müharibəsində arxada fəadakar əməyinə görə" medalı” medalı;
• “Qırmızı Ulduz” ordeni (06.11.1945);
• “Sosialist Əməyi Qəhrəmanı” adı (29.07.1949);
• Lenin ordeni (29.07.1949).

Ailəsi

Atası: Mirzəməmməd (?–1914), əvvəllər yoxsul kəndli olmuş, sonralar arabaçılıq etmişdir.

Həmçinin, bax:

Nuxa rayon və şəhər sovetlərinin deputatları (1948)

Ədəbiyyat

1. Мамедов Юнус Мирза Мамедович : [arx. 09.11.2022] : [rus.] // Память Народа. — Müraciət tarixi: 09.11.2022.
2. Мамедов Юнус Мирза-Мамеда : [arx. 09.11.2022] : [rus.] // Память Народа. — Müraciət tarixi: 09.11.2022.
3. Мамедов Юнус Мирза Мамед-оглы : [arx. 09.11.2022] : [rus.] // Память Народа. — Müraciət tarixi: 09.11.2022.
4. Azərbaycan SSR Ali Soveti deputatlığına namizədlər: fəal sovet işçisi = Азәрбајҹан ССР Али Совети депутатлығына намизәдләр:фҝал совет ишчиси // Məhyəddin Abbasov (redaktor) Nuxa fəhləsi : qəzet. — Nuxa: Kirov adına mətbəə, 1947. — В. 30 yanvar. — № 15 (3923). — Səh. 4.
5. Rayon Sovetinə seçilmiş deputatların siyahısı = Рајон Советинә сечилмиш депутатларын сияһысы // Məhyəddin Abbasov (redaktor) Nuxa fəhləsi : qəzet. — Nuxa: Kirov adına mətbəə, 1957. — В. 17 mart. — № 32 (5.488). — Səh. 2.
6. Указ Президиума Верховного Совета СССР «О присвоении звания Героя Социалистического Труда передовикам сельского хозяйства Азербайджанской ССР» от 1 июля 1949 г.  // Ведомости Верховного Совета СССР. — 29.07.1949. — № 37 (584). — С. 2.
7. Yunis Məmmədov // Azərbaycan Sovet Ensiklopediyası  : [10 cilddə] = Азәрбајҹан Совет Енсиклопедијасы / baş red. C.B.Quliyev. — Bakı: Qızıl Şərq, 1982. — VI  cild. — Səhifələrin sayı:  647. — Səh.: 501. — 80.000 nüsx.
8. Məmmədov Ə., Xalıqov F. Məmmədov Yunis // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 395. — 1.000 nüsx.
9. Mete Ə. Əməyi ilə ucalan insan // O torpağın övladları. — Bakı: Nurlan, 2006. — Səhifələrin sayı:  608. — Səh.: 401-402. — 500 nüsx.