Zülfüqar Zülfüqarov

Zülfüqar Zülfüqarov
	Zülfüqarov Zülfüqar Hüseynqulu oğlu
	Zülfüqar Zülfüqarov.
Doğum tarixi	3 dekabr 1913
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	9 iyul 1992 (78 yaşında)
Vəfat yeri	Bakı
Vətəndaşlıq	SSRİ→ Azərbaycan
Milliyyəti	azərbaycanlı
Elm sahəsi	kimya
İş yeri	Qeyri-Üzvi və Fiziki Kimya İnstitutu (laboratoriya müdiri)
Elmi dərəcəsi	kimya elmləri doktoru
Elmi adı	professor
Təhsili	• Azərbaycan Sənaye İnstitutu, kimya-texnologiya fakültəsi (–1936) • SSRİ Elmlər Akademiyası Azərbaycan Filialı, Kimya İnstitutu, aspirantura (1938–) • SSRİ EA Neft İnstitutu, doktorantura (1955−1956)
Mükafatları	;

Zülfüqar Zülfüqarov (1913–1992) — kimya elmləri doktoru, professor, Azərbaycan Milli Elmlər Akademiyasının müxbir üzvü, Azərbaycan SSR əməkdar elm xadimi, Azərbaycan SSR Dövlət mükafatı laureatı, AMEA Qeyri-Üzvi və Fiziki Kimya İnstitutunun laboratoriya müdiri.

Haqında məlumatlar

3 dekabr 1913-cü il tarixdə Nuxada (indiki Şəki) anadan olub.

1916-ci ildə atası vəfat edib və o, iki qardaşı və bir bacısı ilə anasının himayəsində qalıb.

Təhsili

1931-ci ildə Nuxada orta məktəbi,

1936-cı ildə Azərbaycan Sənaye İnstitutunun kimya-texnologiya fakültəsini bitirib.

1938-ci ildə istehsalatdan ayrılmamaqla SSRİ Elmlər Akademiyası Azərbaycan Filialının Kimya İnstitutunun aspiranturasında təhsil almağa başlayıb.

1955 − 1956-cı illərdə SSRİ EA Neft İnstitutunun doktoranturasında təhsil alıb.

Əmək fəaliyyəti

1936 − 1940-cı illərdə Ə.Qarayev adına neft emalı zavodunda əvvəl operator köməkçisi, sonra mühəndis, daha sonra böyük mühəndis,

1939 − 1941 və 1946 − 1968-ci illərdə əvvəl SSRİ EA Azərbaycan Filialı/Azərbaycan SSR EA Kimya İnstitutunun fiziki kimya laboratoriyasında kiçik elmi, sonra baş elmi işçi,

1950-ci ildən laboratoriyanın müdiri,

1968 − 1970-ci illərdə Azəbaycan SSR EA Y.Məmmədəliyev adına Neft-Kimya Prosesləri İnstitutunda sənaye katalizatorlarının texnologiyası laboratoriyasının müdiri,

1970 − 1983-cü illərdə Azərbaycan SSR EA Qeyri-üzvi və Fiziki Kimya İnstitutunun direktoru,

1983 − 1992-ci illərdə Azərbaycan SSR EA/AMEA Qeyri-Üzvi və Fiziki Kimya İnstitutunda laboratoriya müdiri vəzifəsində çalışıb.

Elmi fəaliyyəti

1941-ci ildə namizədlik dissertasiyasını,

1957-ci ildə isə doktorluq dissertasiyasını müdafiə edib.

1958-ci ildə kimya elmləri doktoru elmi dərəcəsini,

1959-cu ildə professor elmi adını alıb.

1976-cı ildə Azərbaycan SSR EA-nın müxbir üzvü seçilib.

400-dən çox elmi əsərin, 62 ixtira və patentin, 2 monoqrafiyanın müəllifidir. Onun rəhbərliyi altında 7 elmlər doktoru, 47 fəlsəfə doktoru hazırlanıb.

Böyük Vətən müharibəsində

1941 – 1945-ci illərdə Böyük Vətən müharibəsində iştirak edib. 2 medalla təltif olunub.

Təltif və mükafatları

“Qafqazın müdafiəsinə görə” (1944);
“1941-1945-ci illər Böyük Vətən müharibəsində Almaniya üzərində qələbəyə görə” medalı (1945);
“Əmək rəşadətinə görə” medalı;
“1941-1945-ci illər Böyük Vətən müharibəsində qələbənin 20 illiyi” medalı (1965);
Vladimir İliç Leninin anadan olmasının 100 illiyi ilə əlaqədar yubiley medalı (1970);
“Azərbaycan SSR əməkdar elm xadimi” fəxri adı (1974);
“1941 − 1945-ci ildə qələbənin 30 illiyi” medalı (1975);
SSRİ Xalq Təsərrüfatının Nailiyyətləri sərgisinin gümüş medalı (1976);
“Əmək veteranı” medalı (1977);
Azərbaycan SSR Dövlət mükafatı (1978):
“IX beşillik zərbəçisi” döş nişanı (1978);
2-ci dərəcəli “Vətən müharibəsi” ordeni (1985);
“1941-1945-ci illər Böyük Vətən müharibəsində qələbənin 40 illiyi” yubiley medalı (1985);
“SSRİ Silahlı Qüvvələrinin 70 illiyi” yubiley medalı (1988).

Vəfatı

9 iyul 1992-ci il tarixdə – 78 yaşında, Bakıda vəfat edib.

Xatirəsi

Şəki şəhərindəki küçələrdən birinə adı verilib.

Ədəbiyyat

Зульфугаров Зульфугар Гусейн Куль-оглы : [arx. 01.12.2021] : [rus.] // Память народа. — Müraciət tarixi: 01.12.2021.
Zülfüqarov // Azərbaycan Sovet Ensiklopediyası : [10 cilddə] = Азәрбајҹан Совет Енсиклопедијасы / baş red. C.B.Quliyev. — Bakı: Qızıl Şərq, 1980. — IV cild. — Səhifələrin sayı: 616. — Səh.: 350. — 80.000 nüsx.
Məmmədov Ə., Xalıqov F. Zülfüqarov Zülfüqar // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 562-564. — 1.000 nüsx.
"ZÜLFÜQAROV ZÜLFÜQAR HÜSEYNQULU OĞLU". kqkiamea.az (azərb.). kqkiamea.az. 1 Jul 2020 tarixində arxivləşdirilib.
"Zülfüqarov Zülfüqar Hüseynqulu oğlu". http://science.gov.az/ (azərb.). science.gov.az/. 18 Sep 2018 – 22 Jul 2019 tarixində arxivləşdirilib.