Zəfər Surxayzadə

Zəfər Surxayzadə
Surxayzadə Zəfər Şəmsəddin oğlu
Zəfər Surxayzadə.
Doğum tarixi	5 avqust 2001(2001-08-05)
Doğum yeri	Baltalı, Şəki rayonu, Azərbaycan
Vəfat tarixi	8 noyabr 2020 (19 yaşında)
Vəfat yeri	Şuşa, Azərbaycan
Vətəndaşlıq	Azərbaycan
Mənsubiyyəti	Azərbaycan Ordusu
Atası	Şəmsəddin Surxayev
Anası	Nərgiz
Hərbi fəaliyyəti
Qoşun növü	Quru Qoşunları
Rütbə	sıravi
Təltifləri

Zəfər Surxayzadə (2001–2020) — Vətən müharibəsində şəhid olmuş Azərbaycan Silahlı Qüvvələrinin əsgəri.

Haqqında məlumatlar

5 avqust 2001-ci il tarixdə Şəki rayonunun Baltalı kəndində anadan olub.

Təhsili

2006 – 2018-ci illərdə Baltalı kənd tam orta məktəbində təhsil alıb.

İdman fəaliyyəti

2012-ci ildə Azərbaycan Ağır Atletika Federasiyasının Şəki rayonu Baltalı kəndində fəaliyyət göstərən bölməsinə yazılıb. 2014-cü ildə AAAF-ın Samux rayonunda keçirilən zona yarışında iştirak edib və 2-ci yerə layiq görülüb. 2014-cü ildə Bakı şəhərində keçirilən Respublika yarışında iştirak edib.

Hərbçi fəaliyyəti

2019-cu ildə həqiqi hərbi xidmətə çağırılıb.

27 sentyabr 2020-ci il tarixdən – Vətən müharibəsi başlayan gündən, işğal edilmiş torpaqlarımızın azadlığı uğrunda vuruşub. Füzuli, Xocavənd, Şuşa uğrunda gedən döyüşlərdə iştirak edib.

Şəhid olması

8 noyabr 2020-ci il tarixdə – 19 yaşında, Şuşa uğrunda gedən döyüşdə qəhrəmancasına həlak olub.

10 noyabr 2020-ci il tarixdə Şəki rayonunun Baltalı kəndinin qəbiristanlığında dəfn edilib.

Təltif və mükafatları

• “Vətən uğrunda” medalı – ölümündən sonra (15.12.2020);
• “Füzulinin azad olunmasına görə” medalı (ölümündən sonra, 25.12.2020);
• “Xocavəndin azad olunmasına görə” medalı – ölümündən sonra (25.12.2020);

Ailəsi

Ailədə iki qardaş iki bacı olublar. Subay idi.

Ədəbiyyat

1. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : ŞAHMAR Qinyaz oğlu Soltanlı : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.
2. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Vətən uğrunda” medalı ilə təltif edilməsi haqqında : [arx. 15 Dec 2020 - 6 Oct 2021] // Azərbaycan Müdafiə Nazirliyi. — 2020. — 15 dekabr. — Müraciət tarixi: 21.12.2021.
3. Azərbaycan Respublikası Silahlı Qüvvələrinin hərbi qulluqçularının “Füzulinin azad olunmasına görə” medalı ilə təltif edilməsi haqqında Azərbaycan Respublikası Prezidentinin Sərəncamı (azərb.). https://mod.gov.az/. Azərbaycan Müdafiə Nazirliyi (25 DEKABR 2020). Arxivləşdirilib (15 yanvar 2021).
4. Azərbaycan Respublikası Silahlı Qüvvələrinin hərbi qulluqçularının “Xocavəndin azad olunmasına görə” medalı ilə təltif edilməsi haqqında Azərbaycan Respublikası Prezidentinin Sərəncamı (azərb.). https://mod.gov.az/. Azərbaycan Müdafiə Nazirliyi (25 DEKABR 2020). Arxivləşdirilib (26 iyun 2021).