Ziya Əkbərov

Ziya Əkbərov
	Əkbərov Ziya Ələsgər oğlu
	Ziya Əkbərov.
Doğum tarixi	17 iyul 1933
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfat tarixi	19 avqust 2006 (73 yaşında)
Vəfat yeri	Bakı, Azərbaycan
Dəfn yeri	Bakı, Azərbaycan
Həyat yoldaşı	Solmaz
Uşaqları	Nazim Əkbərov və İradə Nadirli
Vətəndaşlıq	SSRİ→ Azərbaycan
İxtisası	inşaatçı-mühəndis
Təhsili	Azərbaycan Politexnik İnstitutu, inşaat fakültəsi (–1955)

Ziya Əkbərov (1933–2006) — sovet dövrünün son onilliklərində 5 çağırış (15–20-ci çağırışlar) Şəki şəhər sovetinin sədri seçilmiş şəxs.

Haqqında məlumatlar

17 iyul 1933-cü il tarixdə Nuxada (indiki Şəki) anadan olub.

Təhsili

1950-ci ildə Nuxa şəhər 2 №-li orta məktəbini,

1955-ci ildə Azərbaycan Politexnik İnstitutunun inşaat fakültəsini bitirib.

Əmək fəaliyyəti

1955-ci ildən V.İ.Lenin adına Şəki İpək Kombinatının təmir-tikinti şöbəsində iş icraçısı (prorab), sonra həmin şöbənin rəisi, daha sonra şəhər təmir-tikinti idarəsinin müdiri,

1973-cü ildən Şəki şəhər soveti sədrinin müavini,

1975 – 1988-ci illərdə 15-ci – 20-ci çağırış Şəki şəhər sovetinin sədri,

1988-ci ilin yanvar ayından sonra bir müddət Şəki şəhər kommunal təsərrüfat idarəsində mühəndis sonra isə sənaye-tikinti nazirliyində şöbə müdirinin müavini vəzifəsində çalışıb.

Pedaqoji fəaliyyəti

1955 – 1973-cü illər arasında əvvəl Şəki şəhər 7 №-li orta məktəbində, sonra isə ipəkçilik texnikumunda rəsmxət fənnindən saathesabı dərs deyib.

1960-cı illərin sonunda və 1970-ci illərin əvvəlində V.İ.Lenin adına Şəki İpək Kombinatınının burucu sexində təbliğatçı olub.

Vəfatı

19 avqust 2006-cı il tarixdə – 73 yaşında, Bakıda vəfat edib. Bakıda da dəfn olunub.

Həmçinin, bax: