İbrahim Həsənov

İbrahim Həsənov
Həsənov İbrahim Sadəddin oğlu
İbrahim Həsənov.
Doğum tarixi	1 yanvar 1927(1927-01-01)
Doğum yeri	Nuxa (indiki Şəki), Şəki qəzası, Azərbaycan SSR, ZSFSR, SSRİ
Vəfat tarixi	24 aprel 2002 (75 yaşında)
Vəfat yeri	Şəki, Azərbaycan
Vəfat səbəbi	Məhəmməd əfəndi qəbiristanlığı Şəki, Azərbaycan
Həyat yoldaşı	Həsənova (Mustafayeva) Rəna Bəxtiyar qızı
Atası	Həsənov Sadəddin
Anası	İsrafilova Gülşən Cəfər qızı
Təhsili	S.M.Kirov adına Azərbaycan Dövlət Universiteti, iqtisad fakültəsi, maliyyə-kredit ixtisası (–1959)
Mükafatları
Adının digər versiyaları	İbrahim Hesanov, İbrahim Hasenov, İbrahim Hesenov, İbrahim Hasanov, Ибрахим Гасанов, Ибраһим һәсәнов

İbrahim Həsənov (1927–2002) — tanınmış bank işçisi, Azərbaycan SSR əməkdar iqtisadçısı. Uzun müddət Şəkidə bank sektorunda müxtəlif vəzifələrdə çalışmış, o cümlədən, 1975-ci ildən SSRİ Dövlət Bankının Şəki şöbəsinin müdiri olmuşdur.

Haqqında məlumatlar

1 yanvar 1927-ci il tarixdə Nuxada (indiki Şəki) anadan olub.

Təhsili

1946-cı ildə Moskva Toxuculuq İnstitutuna qəbul olunub. Lakin səhhəti ilə əlaqədar olaraq Moskvada təhsilini davam etdirə bilməyib.

1959-cu ildə S.M.Kirov adına Azərbaycan Dövlət Universitetinin iqtisad fakültəsi bitirib.

Əmək fəaliyyəti

1948-ci ildən SSRİ Dövlət Bankının Şəki şöbəsində müxtəlif vəzifələrdə çalışıb; o cümlədən, əvvəl kassa planı üzrə müfəttiş, sonra kredit müfəttişi, daha sonra kredit qrupunun rəhbəri və kredit-plan şöbəsinin rəisi,

1975-ci ildən 1992-ci ilə qədər isə bankın müdiri olub.

1992 – 1998-ci illərdə Səhmdar-Kommersiya Aqrar-Sənaye Bankının Şəki şöbəsində baş mütəxəssis, aparıcı iqtisadçı vəzifələrində çalışıb.

İctimai-siyasi aktivliyi

1953-cü ildə Nuxa şəhər Sovetinə deputat seçilib.

Təltif və mükafatları

• “Əməkdə fərqlənməyə görə” medalı (1966);
• “Azərbaycan SSR əməkdar iqtisadçısı” fəxdi adı (1971).

Vəfatı

24 aprel 2002-ci il tarixdə – 75 yaşında, Şəkidə vəfat edib. Məhəmməd əfəndi qəbiristanlığında dəfn olunub.

Ədəbiyyat

1. Məmmədov Ə., Xalıqov F. Həsənov İbrahim // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 238. — 1.000 nüsx.